ருத்துராஜ் போட்ட பக்கா பிளான்? களமிறங்கப் போகும் சிஎஸ்கே சிங்கப்படை இதுதான்!!

சென்னை : அடுத்த ஆண்டு மார்ச் மாதம் ஐபிஎல் 2025 தொடரானது தொடங்கவுள்ளது. இந்த தொடர் மார்ச்-14 ம் தேதி தொடங்கி, மே-25ம் தேதி வரையில் நடைபெற இருக்கிறது. இந்த தொடருக்கான மெகா ஏலம் கடந்த 2 நாட்களாக நடைபெற்று வந்தது. இது ஐபிஎல் ரசிகர்களுக்கு இடையே எதிர்பார்க்கப்பட்ட ஒரு மிகப்பெரிய ஏலமாகும்.

அதன்படி, ஐபிஎல் தொடரில் அதிக ரசிகர்கள் கவனம் கொண்ட சென்னை அணி தனது அணியை எவ்வாறு கட்டமைக்கப்போகிறது என்ற கேள்வி எழுந்தது. அதன்படி, நடைபெற்ற ஏலத்தில் சென்னை அணி ஒரு சில முக்கியமான வீரர்களை எடுத்து அசத்தியது. ஒவ்வொரு ஆண்டும் நடைபெறும் ஏலத்தில் தோனி தனக்கு இது போன்ற அணி வேண்டும் என கட்டமைப்பார்.

அதற்கு ஏற்றது போலவே சிஎஸ்கே அணியை, அணியின் பயிற்சியாளரும், உரிமையாளரும் அமைப்பார்கள். இது மற்ற அணிக்குமே உகந்ததாகும். அப்படி, இருக்கையில் இந்த முறை அணியின் கேப்டனான ருதுராஜின் கட்டமைப்பில் இந்த வீரர்களை எடுத்துள்ளதாக ஒரு தரப்பு தகவலில் தெரியவந்துள்ளது.

சிஎஸ்கே, மொத்தம் 25 வீரர்களை தங்கள்து அணியில் வைத்துள்ளது. அதில், தோனி, ருதுராஜ், சிவம் துபே, ஜடேஜா மற்றும் பத்திரனா ஆகிய 5 வீரர்களை தக்க வைத்தது. மேற்கொண்டு, 20 வீரர்களை அணியில் ஏலத்தில் எடுத்துள்ளது. எனவே, இதில் விளையாட போகும் அந்த முக்கியமான 11 வீரர்கள் யார் என்ற அடுத்த கேள்வியை ரசிகர்கள் எழுப்பி வருகின்றனர்.

மேலும், அதற்கு அவர்களே இந்த 11 வீரர்கள் தான் விளையாடுவார்கள் என தெரிவித்தும் வருகின்றனர். அப்படி, ருதுராஜின் தலைமையில் சென்னை அணியில் களமிறங்கப்போகும் அந்த சிறந்த 11 வீரர்கள் யார் என பாப்போம். இவர்கள் தான் அணியில் உறுதியாக தெரியவில்லை என்றாலும் அடுத்தடுத்த போட்டிகளில் அணியில் மாற்றம் ஏற்படலாம் எனவும் கருதப்படுகிறது.

விளையாட வாய்ப்பு இருக்கும் 11 வீரர்கள் :

ருதுராஜ் கெய்க்வாட் (கேப்டன்), டேவான் கான்வே, ரச்சின் ரவீந்திரா, விஜய் ஷங்கர், சிவம் துபே, ஜடேஜா, தோனி (விக்கெட் கீப்பர்), அஷ்வின், பத்திரனா, கலீல், நூர்.