சென்னை : கடந்த சில நாட்களாகத் தங்கத்தின் விலையானது தொடர்ச்சியான ஏற்ற இறக்கங்களைச் சந்தித்து வரும் நிலையில், நகை வாங்குவோருக்குத் தொடர்ந்து மகிழ்ச்சி அளிக்கும் விதமாகத் தங்கம் விலை இன்றும் சரிவைக் கண்டுள்ளது.
கடந்த ஜூலை 24-ஆம் தேதி கிராம் ஒன்றுக்கு ரூ. 270 குறைந்து ரூ. 13,230-க்கும், சவரனுக்கு ரூ. 2,160 குறைந்து ரூ. 1,05,840-க்கும் விற்பனை செய்யப்பட்ட தங்கம், அதனைத் தொடர்ந்து ஜூலை 25-ஆம் தேதி சற்று அதிகரித்து கிராம் ரூ. 13,300 மற்றும் சவரன் ரூ. 1,06,400 என்ற விலையை எட்டியது. பின்னர் ஜூலை 26-ஆம் தேதி தங்கம் விலையில் எந்தவித மாற்றமும் இன்றி நீடித்த நிலையில், ஜூலை 27-ஆம் தேதி மீண்டும் விலை உயர்ந்து கிராம் ஒன்றுக்கு ரூ. 70 அதிகரித்து ரூ. 13,370-க்கும், சவரனுக்கு ரூ. 560 அதிகரித்து ரூ. 1,06,960-க்கும் விற்பனையானது.
இதனைத் தொடர்ந்து, கடந்த ஜூலை 28-ஆம் தேதி தங்கம் விலை அதிரடியாகக் குறைந்து கிராம் ஒன்றுக்கு ரூ. 155 குறைந்து ரூ. 13,215-க்கும், சவரனுக்கு ரூ. 1,240 குறைந்து ரூ. 1,05,720-க்கும் விற்பனை செய்யப்பட்டது. அந்த வரிசையில், நேற்றைய தினத்தைத் தொடர்ந்து இன்றும் தங்கம் விலை மேலும் குறைந்துள்ளது. தற்போதைய நிலவரப்படி, சென்னையில் இன்று ஆபரணத் தங்கத்தின் விலை கிராமுக்கு ரூ. 60 குறைந்து ஒரு கிராம் ரூ. 13,155 என்ற விலையிலும், சவரனுக்கு ரூ. 480 குறைந்து ஒரு சவரன் ரூ. 1,05,240 என்ற விலையிலும் விற்பனை செய்யப்பட்டு வருகிறது.
தொடர்ந்து இரண்டாவது நாளாகத் தங்கத்தின் விலை சரிவைச் சந்தித்து வருவது நகைப்பிரியர்கள் மத்தியில் மிகுந்த வரவேற்பைப் பெற்றுள்ளது. அதேசமயம், வெள்ளியின் விலையில் எந்தவித மாற்றமும் செய்யப்படவில்லை. நேற்றைய விலையின்படியே, வெள்ளியானது ஒரு கிராம் ரூ. 235 என்ற விலையிலும், ஒரு கிலோ பார் வெள்ளி ரூ. 2,35,000 என்ற விலையிலும் எந்தவித மாற்றமும் இன்றி ஸ்திரமாக விற்பனையாகி வருகிறது.