காலே: இந்திய அணி இலங்கையில் சுற்றுப்பயணம் செய்து டெஸ்ட் கிரிக்கெட் தொடரில் விளையாடி வருகிறது. இதில், காலே நகரில் நடைபெற்று வரும் முதல் டெஸ்ட் போட்டியின் 2-வது நாள் ஆட்டம் மழையால் கடுமையாகப் பாதிக்கப்பட்டு காலதாமதம் அடைந்துள்ளது.
முதல் நாள் ஆட்டக் சுருக்கம்
முன்னதாக இப்போட்டியில் டாஸ் வென்ற இந்திய அணி பேட்டிங் செய்ய முடிவெடுத்தது. அணியின் தொடக்க ஆட்டக்காரர்களில் யஷஸ்வி ஜெய்ஸ்வால் 32 ரன்களில் ரன்-அவுட் ஆனார். இந்த போட்டியில் கே.எல். ராகுல் சிறப்பாக விளையாடி 77 ரன்கள் எடுத்தார். ஆனால் காயம் காரணமாக அவர் ரிட்டையர்ட் ஹர்ட் முறையில் வெளியேறினார். இதன்பிறகு கேப்டன் சுப்மன் கில் 16 ரன்களில் ஆட்டமிழந்தார்.
படிக்கல் சதம் & 288 ரன்கள்
எனினும், நிதானமாகவும் சிறப்பாகவும் விளையாடிய தேவ்தத் படிக்கல் 134 பந்துகளில் சதம் விளாசினார். முதல் நாள் ஆட்ட முடிவில் இந்தியா 73 ஓவர்களில் 288 ரன்களுக்கு 2 விக்கெட்டுகள் என்ற வலுவான நிலையில் இருந்தது. படிக்கல் 131 ரன்களுடனும், ரிஷப் பண்ட் 27 ரன்களுடனும் ஆட்டமிழக்காமல் களத்தில் இருந்தனர்.
2-வது நாளில் மழை குறுக்கீடு
இதனைத் தொடர்ந்து இன்று 2-வது நாள் ஆட்டம் தொடங்க இருந்தநிலையில், காலை 10 மணியளவில் லேசாக தூறல் போட்டது. இதனால், களத்தில் நீர் தேங்காமல் இருப்பதற்காக ஆடுகளம் பாதுகாப்பாக 'கவர்' செய்யப்பட்டது. தொடர்ந்து மழை தூறிக்கொண்டே இருந்ததால் ஆட்டம் தொடங்குவதில் காலதாமதம் ஏற்பட்டது. மைதான ஊழியர்கள் தேங்கிய நீரினை அகற்றும் பணியில் ஈடுபட்டு வருகின்றனர்.