தேர்தலில் தோற்ற சௌமியா அன்புமணி.! ட்ரெண்டாகும் அருள் வாக்கு.! 

தருமபுரி: பாஜக தலையிலான NDA கூட்டணி சார்பாக தர்மபுரி பாமக வேட்பாளராக அன்புமணி ராமதாஸ் மனைவி சௌமியா அன்புமணி போட்டியிட்டார். தேர்தல் முடிவில் திமுக வேட்பாளர் மணியிடம் தோல்வி கண்டார். சௌமியா 4.11 லட்சம் வாக்குகள் பெற்றார். திமுக வேட்பாளர் மணி 4.32 லட்சம் வாக்குகள் பெற்று வெற்றி பெற்றார்.

இறுதி வரையில், வெற்றிக்கு அருகில் வந்து சிறு வாக்கு வித்தியாசத்தில் சௌமியா அன்புமணி தோல்வியை சந்தித்தார். சௌமியா அன்புமணி தனது தேர்தல் பிரச்சாரத்தில் ஈடுபட்டு கொண்டிருந்த வேளையில், தர்மபுரியில் ஓர் ஆஞ்சநேயர் கோயிலில் ஓர் இளைஞர் திடீரென சாமியாடி அருள் வாக்கு கூறினார்.

அந்த நபர் சௌமியா அன்புமணியிடம் , நீ நாடாளுமன்றத்தில் வெற்றி பெறுவாய் தாயி, என்று கூறி எலுமிச்சை பழத்தை அளிப்பார். அருள்வாக்கு கேட்டு கைகூப்பி வணங்கி, பின்னர் எலுமிச்சையை வாங்கி கொள்வார். இந்த வீடியோ தற்போது இணையத்தில் வைரலாக பரவி வருகிறது.