கனமழை எதிரொலி: மயிலாடுதுறையில் பள்ளி – கல்லூரிகளுக்கு விடுமுறை!

சென்னை: வங்கக் கடலில் நிலை கொண்டுள்ள ஆழ்ந்த காற்றழுத்த தாழ்வுப் பகுதி காரணமாக, இன்று கடலூர், நாகை, மயிலாடுதுறை, திருவாரூர், தஞ்சாவூர், புதுக்கோட்டை ஆகிய மாவட்டங்களுக்கு மிக கனமழை எச்சரிக்கை விடுக்கப்பட்டுள்ளது.

குறிப்பாக, திருவாரூர், மயிலாடுதுறை, நாகை ஆகிய மாவட்டங்களில் இரவு முதல் மழை பெய்து வருகிறது. இதனால் மயிலாடுதுறைக்கு விடுமுறை அளிக்கப்பட்டுள்ளது. கனமழை காரணமாக மயிலாடுதுறை மாவட்ட பள்ளி, கல்லூரிகளுக்கு இன்று ஒருநாள் (11.12.2024) விடுமுறை அளித்து அம்மாவட்ட ஆட்சியர் மகாபாரதி உத்தரவிட்டுள்ளார்.

கனமழை:

ஆழ்ந்த காற்றழுத்த தாழ்வுப் பகுதி காரணமாக, இன்று கடலூர், மயிலாடுதுறை, நாகை, தஞ்சை, திருவாரூர் மற்றும்  புதுக்கோட்டை 6 மாவட்டங்களுக்கு இன்று வானிலை மையம் மிகக்கனமழை எச்சரிக்கை விடுத்துள்ளது.

மேலும், சிவகங்கை, ராமநாதபுரம், திருச்சி, பெரம்பலூர், அரியலூர், கள்ளக்குறிச்சி, விழுப்புரம், செங்கல்பட்டு, காஞ்சி, சென்னை மற்றும் திருவள்ளூரில் 11 மாவட்டங்களில் இன்று கனமழை பெய்ய வாய்ப்புள்ளதாக கூறியுள்ளது. நாளை தஞ்சை, சிவகங்கை, புதுக்கோட்டை மற்றும் திருச்சி ஆகிய 4 மாவட்டங்களில் மிக கனமழை பெய்யலாம் எனவும் கணித்துள்ளது.