இந்தியா vs இங்கிலாந்து டி20 போட்டி… பிட்ச் ரிப்போர்ட் இதோ.!

புனே : இந்திய மற்றும் இங்கிலாந்து அணிகளுக்கு இடையேயான ஐந்து போட்டிகள் கொண்ட டி20 தொடரின் நான்காவது டி20 போட்டி நாளை நடைபெறவுள்ளது. இரு அணிகள் மோதும் இந்த போட்டி புனேவில் உள்ள மகாராஷ்டிரா கிரிக்கெட் சங்க மைதானத்தில் இந்திய நேரப்படி இரவு 7 மணிக்கு தொடங்குகிறது.

மூன்றாவது டி20 போட்டியில் இந்திய அணியை 26 ரன்கள் வித்தியாசத்தில் வெற்றி பெற்றது இங்கிலாந்து அணி. ஐந்து போட்டிகள் கொண்ட தொடரில் இங்கிலாந்து அணி இன்னும் 2-1 என பின்தங்கியுள்ளது. இந்த தொடரில் இங்கிலாந்து அணியின் தலைமை ஜோஸ் பட்லரின் தோள்களில் உள்ளது. அதேசமயம், இந்திய அணிக்கு சூர்யகுமார் யாதவ் தலைமை தாங்குகிறார்.

சர்வதேச டி20 கிரிக்கெட்டில் இரு அணிகளுக்கும் இடையே இதுவரை கடும் போட்டி நிலவி வருகிறது. சர்வதேச கிரிக்கெட்டில் இரு அணிகளுக்கும் இடையே மொத்தம் 27 போட்டிகள் நடந்துள்ளன. இந்த காலகட்டத்தில், இந்திய அணி 15 போட்டிகளிலும், இங்கிலாந்து அணி 12 போட்டிகளிலும் வெற்றி பெற்றுள்ளன.

புனே வானிலை

புனேயில் நாளை (ஜனவரி 31) அதிகபட்ச வெப்பநிலை 33 டிகிரி முதல் குறைந்தபட்சம் 15 டிகிரி செல்சியஸ் வரை இருக்கும் என்று எதிர்பார்க்கப்படுகிறது. போட்டி மாலை ஏழு மணிக்கு தொடங்கும். போட்டியின் போது மழை பெய்ய வாய்ப்பில்லை என தெரிவிக்கப்பட்டுள்ளது.

பிட்ச் ரிப்போர்ட்

நாளை நடைபெறவிருக்கும் மகாராஷ்டிரா கிரிக்கெட் அசோசியேஷன் ஸ்டேடியம் பொதுவாக பேட்ஸ்மேன்களுக்கு சாதகமாக இருக்கும். இந்நிலையில், டாஸ் வென்ற அணி பேட்டிங் செய்தால், முதல் இன்னிங்ஸ் ஸ்கோரை 174 ரன்கள் வரை அடிப்பதற்கு எதிர்ப்பார்க்கலாம்.

நாளை விளையாடும் அணியில் இடம்பெற எதிர்பார்க்கப்படும் வீரர்கள் குறித்த பட்டியல்.

இந்தியா ப்ளேயிங் லெவன்

சூர்யகுமார் யாதவ் தலைமையிலான அணியில் அபிஷேக் சர்மா, சஞ்சு சாம்சன் , திலக் வர்மா, ஹர்திக் பாண்டியா, ரின்கு சிங், நிதிஷ் குமார் ரெட்டி, அக்சர் படேல், ரவி பிஷ்னோய், அர்ஷ்தீப் சிங், வருண் சக்ரவர்த்தி ஆகியோர் உள்ளனர்.

இங்கிலாந்து ப்ளேயிங் லெவன்

ஜோஸ் பட்லர் தலைமையிலான அணியில் பென் டக்கெட், பிலிப் சால்ட , ஹாரி புரூக், லியாம் லிவிங்ஸ்டோன், ஜேக்கப் பெத்தேல், ஜேமி ஓவர்டன், கஸ் அட்கின்சன், ஜோஃப்ரா ஆர்ச்சர், அடில் ரஷித், மார்க் வுட் ஆகியோர் உள்ளனர்.