தூத்துக்குடி தொகுதியில் மீண்டும் கனிமொழி அபார வெற்றி.!

மக்களவை தேர்தல் : தூத்துக்குடி தொகுதியில் திமுகவின் நட்சத்திர வேட்பாளரும் தற்போதைய எம்.பி-யுமான கனிமொழி, 4,50,580 வாக்குகளை பெற்று 3,23,355 வாக்குகள் வித்தியாசத்தில் அபார வெற்றி பெற்றுள்ளதாக தகவல் வெளியாகியுள்ளது.

இந்த தொகுதியில் அவருக்கு எதிராக போட்டியிட்ட, அதிமுக வேட்பாளர் சிவசாமி வேலுமணி 1,27,225 வாக்குகளுடன் 2ஆவது இடத்திலும், பாஜக கூட்டணி வேட்பாளர் விஜயசீலனை பின்னுக்கு தள்ளி, நாம் தமிழர் கட்சி வேட்பாளர் ரோவெனா ரூத் ஜேன் 1,04,542 வாக்குகளுடன் 3ஆவது இடத்தையும் பிடித்துள்ளனர்.

தூத்துக்குடியில் கடந்த 2019ஆம் ஆண்டு போட்டியிட்ட கனிமொழி, 3.47 லட்சம் வாக்குகள் வித்தியாசத்தில் வெற்றிபெற்று அந்த தொகுதியின் முதல் பெண் நாடாளுமன்ற உறுப்பினரானார் என்பது குறிப்பிடத்தக்கது.