வாஷிங்டன் :அமெரிக்க அதிபர் டொனால்ட் ட்ரம்ப், செப்டம்பர் 19, 2025 அன்று அறிவித்த H1B விசா விண்ணப்ப கட்டணத்தை USD 100,000 (ரூ.88 லட்சம்) ஆக உயர்த்தியது, இந்தியர்களிடையே பெரும் அதிர்ச்சியை ஏற்படுத்தியுள்ளது. இந்த உத்தரவு, செப்டம்பர் 21, 2025 முதல் அமலுக்கு வந்துள்ளது, வெளிநாட்டு தொழிலாளர்களை அமெரிக்காவுக்கு அழைக்கும் H1B திட்டத்தில் பெரிய மாற்றத்தை கொண்டுவருகிறது.
இந்தியாவிலிருந்து 70% H1B விசாக்கள் (2024-ல் 72,000) பெறப்படுவதால், இது இந்திய IT, டெக் துறைகளுக்கு பெரும் சவாலாக அமையும். அமெரிக்க வெளியுறவுத்துறை, “அமெரிக்கர்களுக்கு வேலைவாய்ப்புகளை காப்பாற்ற இந்த கட்டணம்,” என்று விளக்கியுள்ளது. இந்த கட்டணம், விண்ணப்பதாரர்கள் அல்ல, நிறுவனங்கள் செலுத்த வேண்டும், ஆனால் அமெரிக்காவிற்கு வெளியில் இருக்கும் புதிய விசா விண்ணப்பங்களுக்கு மட்டும் பொருந்தும். இதனால், இந்திய IT நிறுவனங்கள் $1.5 பில்லியன் (ரூ.12,600 கோடி) கூடுதல் செலவை சந்திக்கலாம்.
இந்திய அரசின் வெளியுறவுத்துறை, “இது குடும்பங்களை பாதிக்கும், குடியேற்றக் கொள்கைகளை மறுபரிசீலனை செய்ய வேண்டும்,” என்று எச்சரித்துள்ளது. இந்திய IT துறை, விசா உரிமையாளர்கள் அமெரிக்காவிற்கு திரும்ப வேண்டும் என்று அறிவுறுத்தியுள்ளது.இந்த உயர்வுக்கு பிறகு, அமெரிக்காவில் மருத்துவ ஊழியர்களுக்கு (டாக்டர்கள், நர்ஸ்கள்) H1B விசாவிற்கு விலக்கு அளிக்கப்பட்டுள்ளது. செப்டம்பர் 22, 2025 அன்று வெளியான அறிவிப்பின்படி, மருத்துவத் துறையில் ஊழியர் பற்றாக்குறை ஏற்படும் என்ற அச்சம் காரணமாக, இந்த விலக்கு அறிவிக்கப்பட்டது.
அமெரிக்க சுகாதாரத்துறை, “மருத்துவத் துறைக்கு திறமையான தொழிலாளர்கள் தேவை, எனவே H1B கட்டணம் இதற்கு பொருந்தாது,” என்று தெரிவித்துள்ளது. இந்த விலக்கு, இந்திய மருத்துவர்கள், நர்ஸ்கள் போன்றவர்களுக்கு நிவாரணமாக அமையும், ஆனால் IT துறை ஊழியர்களுக்கு இன்னும் சவாலாக உள்ளது.இந்த முடிவு, அமெரிக்காவின் குடியேற்றக் கொள்கையில் ட்ரம்பின் கடுமையான அணுகுமுறையை பிரதிபலிக்கிறது. 2017-ல் H1B விதிகளை கடுமையாக்கிய ட்ரம்ப், இப்போது கட்டண உயர்வு மூலம் வெளிநாட்டு தொழிலாளர்களை குறைக்க முயல்கிறார். இந்திய அரசு, இதை எதிர்த்து பேச்சுவார்த்தை நடத்தலாம் என்று எதிர்பார்க்கப்படுகிறது என்பதும் குறிப்பிடத்தக்கது.