அடுத்த 4 முதல் 5 நாட்கள் தமிழகத்தில் நல்ல மழை.. தமிழ்நாடு வெதர்மேன்!

TN Rain: தமிழகத்தில் அடுத்த 4 முதல் 5 நாட்களில் நல்ல மழை பெய்யும் என தமிழ்நாடு வெதர்மேன் தகவல்.

கடந்த சில வாரங்களாகவே தமிழகத்தில் பல்வேறு பகுதிகளில் வெயில் சுட்டெரித்து வருகிறது. அந்தவகையில், தமிழகத்தில் சில இடங்களில் வெயில் 100 டிகிரி பாரன்ஹீட்டை தாண்டி சுட்டெரித்துள்ளது. திருப்பத்தூர், ஈரோடு, சேலம், மதுரை, தருமபுரி, கரூர், வேலூர், திருச்சி உள்ளிட்ட இடங்களில் 100 டிகிரி பாரன்ஹீட்டை கடந்துள்ளது.

அதுமட்டுமில்லாமல், சில பகுதிகளில் வெப்ப அலை வீசும் எனவும் எச்சரிக்கை விடுக்கப்பட்டது. வெயிலின் தாக்கம் அதிகமாக இருப்பதால் பொதுமக்கள் சிரமத்துக்குள்ளாகியுள்ளனர். இந்த நிலையில், தமிழ்நாடு, கேரளா மற்றும் கர்நாடகாவிற்கு ஒரு நல்ல செய்தி வந்து உள்ளது என்று தமிழ்நாடு வெதர்மேன் பிரதீப் ஜான் தெரிவித்துள்ளார்.

இதுதொடர்பாக அவரது எக்ஸ் வலைதள பதிவில், மார்ச் மற்றும் ஏப்ரல் முதல் பாதிக்குப் பிறகு, தமிழ்நாடு, கேரளா மற்றும் கர்நாடகாவிற்கு ஒரு நல்ல செய்தி உள்ளது. அதில் டெல்டா, தென் தமிழ்நாடு, மேற்கு தமிழ்நாடு, கேரளா, கடலோர மற்றும் கர்நாடகா மாநிலத்தின் உள் பகுதி, உள் தமிழகத்தின் சில பகுதிகளுக்கு நல்ல செய்தி வந்துள்ளது.

அதன்படி, தமிழ்நாட்டில் தூத்துக்குடி, ராமநாதபுரம், நெல்லை, கன்னியாகுமரி, தென்காசி, விருதுநகர், தேனி, கொடைக்கானல், வால்பாறை, நீலகிரி, மதுரை, சிவகங்கை, புதுக்கோட்டை ஆகிய மாவட்டங்களில் அடுத்த 4 முதல் 5 நாட்களுக்கு நல்ல மழை பெய்யக்கூடும் என்று தகவல் தெரிவித்துள்ளார்.

மேலும் ஏப்ரல் 15ம் தேதிக்கு பிறகு டெல்டா மாவட்டங்களிலும், தென் மாவட்டங்களிலும் மழைக்கு வாய்ப்பு இருப்பதாகவும் கூறியுள்ளார். சென்னையில் மழைக்கு வாய்ப்பு இல்லை என்றும் வெப்பம் கட்டுக்குள் இருந்து வறண்ட நிலையில் காணப்படும் எனவும், பெங்களுருவில் ஒன்று அல்லது இரண்டு நாட்களுக்கு மழை இருக்கும் என்றும் தனியார் வானிலை ஆர்வலர் பிரதீப் ஜான் தெரிவித்துள்ளார்.

After a dry and hot rains less march and first half of April, there is good news for Tamil Nadu, Kerala and Karnataka
—————-
Good News for Delta, South Tamil Nadu, West Tamil Nadu, Kerala, Coastal and Interior Karnataka, Parts of Interior Tamil Nadu. pic.twitter.com/sN9Hv8fumO

— Tamil Nadu Weatherman (@praddy06) April 12, 2024