சென்னை :தமிழ்நாடு முதலமைச்சர் மு.க. ஸ்டாலின், இன்று தனது எக்ஸ் வலைத்தள பக்கத்தில் ஐரோப்பியப் பயணத்தைப் பற்றி வீடியோ ஒன்றை வெளியிட்டு, அதன் விவரங்களை பகிர்ந்தார். ஆகஸ்ட் 30 முதல் செப்டம்பர் 8 வரை நடந்த இந்தப் பயணத்தில், ஜெர்மனி மற்றும் ஐ.கே.யை சுற்றியிருந்த ஸ்டாலின், தமிழ்நாட்டின் தொழில் வளர்ச்சி மற்றும் சமூக சீர்திருத்தங்களை உலகுக்கு எடுத்துரைத்தார்.
“ஐரோப்பியப் பயணமும் ஆக்ஸ்போர்டு நினைவுகளும்” என்ற தலைப்பில் வெளியான இந்த வீடியோ, அவரது பயணத்தின் முக்கிய சிறப்புமுறைகளை தொகுத்து காட்டியது. ஜெர்மனியில், ஸ்டாலின் முதலீட்டாளர்களை சந்தித்து, தமிழ்நாட்டின் கட்டமைப்பு வசதிகளை விளக்கினார். “ஜெர்மனி முதலீட்டாளர்களிடம் தமிழ்நாட்டின் கட்டமைப்புகளை எடுத்துரைத்தேன். பெண்கள் மற்றும் இளைஞர்களுக்கு அளிக்கப்படும் முக்கியத்துவம், திறன் பயிற்சி திட்டங்கள் குறித்து விவரித்தேன்.
அவர்கள் தமிழ்நாட்டு இளைஞர்களின் பயிற்சி விவரங்களைப் பார்த்து வியந்தனர்,” என்று அவர் கூறினார். இந்த சந்திப்புகள், தமிழ்நாட்டின் பொருளாதார வளர்ச்சிக்கு புதிய முதலீடுகளை ஈர்க்க உதவியாக இருந்தன. ஸ்டாலின், அனைத்து மாவட்டங்களிலும் பரவலான வளர்ச்சிக்கு அரசு எடுக்கும் நடவடிக்கைகளையும் விளக்கினார்.
தமிழ்நாட்டில் அவர்கள் பல இடங்களில் முதலீடு செய்ய ஆர்வத்துடன் இருக்கிறார்கள். எனவே, இதனை அடுத்த கட்டத்திற்கு எடுத்து செல்ல நான் விரும்புகிறேன். அதற்கான தொலைநோக்கு திட்டங்களை தான் திமுக அரசில் செயல்படுத்திக்கொண்டு இருக்கிறோம்” எனவும் மு.க.ஸ்டாலின் தெரிவித்தார்.
unknown nodeஅதனைத்தொடர்ந்து “ஆக்ஸ்போர்ட்டில் பெரியாரின் சின்னம் கல்வென்று வைத்தது எனக்கு பெருமை. இது, சுயமரியாதை இயக்கத்தின் உலகளாவிய அங்கீகாரம்,” என்று வீடியோவில் அவர் உருக்கமாக பகிர்ந்தார் மேலும், இந்த சுற்றுப்பயணத்தில், 33 MoU-க்கள் கையெழுத்தாகி, ரூ.15,516 கோடி முதலீடுகள் உறுதியானதாகவும் தெரிவித்தார். ஆக்ஸ்போர்ட்டில் பெரியாரின் சின்னம் கல்வென்று வைக்கப்பட்டது என்பதும் குறிப்பிடத்தக்கது.