#Election2024: மதுரையில் மீண்டும் எம்பி சு.வெங்கடேசன் போட்டி!
Election2024 : மக்களவை தேர்தல் தேதி நாளை அறிவிக்கப்படவுள்ள நிலையில், அனைத்து பிரதான கட்சிகளும் தேர்தலுக்கான கூட்டணி, தொகுதி பங்கீடு உள்ளிட்டவை தொடர்பான பணிகளில் தீவிரமாக ஈடுபட்டு வருகிறது. அதேசமயம், மக்களவை தேர்தலில் போட்டியிடும் வேட்பாளர்கள் பற்றிய விவரங்களையும் கட்சிகள் அவ்வப்போது அறிவித்து வருகிறது.
Read More – மக்களவை தேர்தல் தேதி… முக்கிய அறிவிப்பு.!
அந்த வகையில், மதுரை மக்களவை தொகுதியில் மார்க்சிஸ்ட் கம்யூனிஸ்ட் கட்சி சார்பில் மீண்டும் சு. வெங்கடேசன் போட்டியிடவுள்ளதாக அறிவித்துள்ளது. தி.மு.க. கூட்டணியில் மார்க்சிஸ்டு கம்யூனிஸ்டு கட்சிக்கு இந்த ஆண்டு மதுரை மற்றும் திண்டுக்கல் ஆகிய 2 தொகுதிகள் ஒதுக்கப்பட்டு இருக்கிறது. எனவே இந்த இரண்டு தொகுதிகளிலும் யாரை வேட்பாளராக நிறுத்தலாம் என்று முடிவு செய்ய செயற்குழு கூட்டம் இன்று காலை கட்சியின் சார்பில் நடைபெற்றது.
Read More – மதுரை மக்களே ரெடியா.? சித்திரை திருவிழா முக்கிய தேதிகள் அப்டேட்ஸ்…
இந்த கூட்டத்தில் மதுரை மக்களவைத் தொகுதி மார்க்சிஸ்ட் கம்யூனிஸ்ட் கட்சி வேட்பாளராக சு.வெங்கடேசன் மீண்டும் போட்டியிட உள்ளதாகவும், திண்டுக்கல் தொகுதியில் சச்சிதானந்தம் போட்டியிட உள்ளதாகவும் முடிவு செய்யப்பட்டு அறிவிக்கப்பட்டுள்ளது.
ஏற்கனவே மதுரை தொகுதியில் எம்பியாக இருக்கும் சு. வெங்கடேசன் இந்த ஆண்டு மீண்டும் வேட்பாளராக தேர்தலில் நிறுத்தலாமா? என்று மார்க்சிஸ்டு கம்யூனிஸ்டு கட்சி மூத்த தலைவர்கள் ஆலோசித்து வந்ததாக தகவல்கள் வெளியாகி இருந்த நிலையில், தற்போது அதிகாரப்பூர்வ அறிவிப்பு வெளியாகி இருக்கிறது.
