ஹாலிவுட் போல பல சூப்பர் ஹீரோகளை கொண்டுள்ள கேரளா : வைரலாக பரவும் புகைப்படம்

கேரளா மக்கள் வெள்ளத்தால் பாதிக்கப்பட்டு உள்ளனர். அதற்க்கு பலரும் தங்களால் இயன்ற உதவிகளை செய்து வருகின்றனர். பலர் தங்களால் முடிந்த நிதியுதவி அல்லது பொருளதவி செய்துவருகின்றனர்.
ஜல்லிக்கட்டு போராட்டத்தின் போதும், சென்னை வெள்ளத்தின் போதும், தங்களால் முடிந்த உடலுழைப்பை களத்தில் செய்து பல மக்களை காப்பாற்றியவர்கள் மீனவர்கள். அந்த மீனவர்கள் தற்போது கேரளா வெள்ளத்தில் பாதிக்கப்பட்ட மக்களை காப்பாற்ற கேரளா விரைந்தனர்.
அவர்கள் தங்களால் முடிந்த உதவிகளை செய்து வருகின்றனர். அவர்களை பாராட்டும் வகையில் இணையத்தில் ஒரு போட்டோ பகிரப்பட்டுள்ளது. அதில் ஹாலிவுட் திரையுலகம் சூப்பர்மேன், ஐயர்ன்மேன், ஸ்பைடர் மேன், ஆகியோர்களை கொண்டுள்ளது ஆனால் எங்கள் கேரளா தற்போத் அதேபோல FISHERMAN-ஐ கொண்டுள்ளது என கூறப்பட்டுள்ளது. அதனை பல பிரபலங்களும் பகிர்ந்து வருகின்றனர்.
அவ்வாறு களப்பணியில் ஈடுபடும் மீனவர்களுக்கு அவர்களுக்கான சன்மானமும், அவர்களின் படகுகளுக்கு ஏற்படும் பழுதுகளுக்கு அரசாங்கமே முழு செலவையும் ஏற்கும் எனவும் அவர்கள் கவுரவிக்க படுவார்கள் எனவும் கேரளா முதலமைச்சர் தெரிவித்துள்ளார்.