ஜி20 மாநாடு : வெளிநாட்டு குழுவினர் வருகை.! குடிசைகளை துணியால் மறைத்த மும்பை மாநகராட்சி.!

ஜி20 மாநாடு செயற்குழு உறுப்பினர்கள் ஆலோசனை கூட்டம் மும்பையில் நடைபெற உள்ளதால், குடிசை பகுதிகளை மாநகராட்சி நிர்வாகம் திரைசீலை கொண்டு மறைந்துள்ளது. 

இந்தியா, அமெரிக்கா, இங்கிலாந்து, ஆஸ்திரேலியா போன்ற 20 நாடுகளின் கூட்டமைப்பான ஜி20 நாடுகள் கூட்டமைப்பின் மாநாட்டை இந்த வருடம் இந்தியா தலைமை தாங்கி நடத்த உள்ளது.

இதற்காக, இன்று ஜி20 செயற்குழு கூட்டம் மும்பையில் இன்று முதல் 3 நாட்கள் நடைபெறுகிறது. இதனால், வெளிநாட்டு பிரதிநிதிகள் இந்தியர் வந்துள்ளனர்.

அதற்காக, மும்பை மாநகரம் அநேக இடங்களில் சுத்தம் செய்யப்பட்டது. மேலும், குடிசை பகுதிகள், சாக்கடைகள் ஆகியவை பெரிய திரைசீலை கொண்டு மூடப்பட்டு வெளிநாட்டு பிரதிநிதிகள் கண்ணில் படாதவாறு மும்பை மாநகராட்சி மறைத்துள்ளது. இந்த செயல் தற்போது பேசுபொருளாகியுள்ளது.