#DelhiElectionResults : ஆம் ஆத்மி கட்சி முன்னிலை.! தொண்டர்கள் ஆடல், பாடலுடன் கொண்டாட்டம்.!

70 உறுப்பினர்களை கொண்ட டெல்லி சட்டப்பேரவைக்கு கடந்த சனிக்கிழமை நடைபெற்ற தேர்தலில் 62.59 சதவீத வாக்குகள் பதிவான நிலையில், இன்று காலை முதல் 22 வாக்கு மையங்களில் வாக்கு எண்ணிக்கை விறுவிறுப்பாக நடைபெற்று வருகிறது. தற்போதைய நிலவரப்படி 70 தொகுதிகளில் 57 தொகுதிகளில் ஆம் ஆத்மி முன்னிலை வகித்து வருகிறது. பாஜக 13 தொகுதிகளில் முன்னிலை வகித்து வருகிறது. காங்கிரஸ் மற்றும் மற்ற காட்சிகள் இதுவரை ஒரு தொகுதியிலும் கூட முன்னிலை பெறவில்லை என்பது குறிப்பிடப்படுகிறது.

மேலும் புதுடெல்லி தொகுதியில் அரவிந்த் கேஜ்ரிவால் முன்னிலை வகித்து வருகிறார். ஆம் ஆத்மி கட்சியை சேர்ந்த துணை முதல்வர் மணீஷ் சிசோடியா பட்பர்கஞ்ச் தொகுதியில் 1500 வாக்கு வித்தியாசத்தில் பின்னடைவு சந்தித்துள்ளார். பின்னர் இந்த வாக்கு எண்ணிக்கையில் பெருபாலும் தொகுதியில் ஆம் ஆத்மி கட்சி முன்னிலை வகித்து வருவதால் மீண்டும் அரியணையில் அரவிந்த் கேஜ்ரிவால் அமருவார் என்று எதிர்பார்க்கப்படுகிறது. இதனிடையே ஆம் ஆத்மி முன்னிலை வகிப்பதால் கட்சி தொண்டர்கள் டெல்லியில் உள்ள அலுவலத்தில் முன்பு ஆடல், பாடலுடன் சேர்ந்து கொண்டாட்டத்தில் ஈடுபட்டு வருகிறார்கள். மேலும் வாக்கு எண்ணிக்கை இறுதி முடிவுகள் விரைவில் வெளியாகும் என எதிர்பார்க்கப்படுகிறது.