சிபிஎஸ்இ பொதுத்தேர்வை ரத்து செய்ய வேண்டும்- அரவிந்த் கெஜ்ரிவால்..!

சிபிஎஸ்சி பொதுத்தேர்வு ரத்து செய்ய வேண்டும் என டெல்லி முதல்வர் கெஜ்ரிவால் தெரிவித்துள்ளார்.

இந்தியாவில் கடந்த சில மாதங்களாக கொரோனா பாதிப்பு அதிகரித்து வருகிறது. இதனால், நாள்தோறும் ஆயிரக்கணக்கானோர் கொரோனாவால் பாதிக்கப்பட்டு வருகின்றனர். இதற்கிடையில், 10 மற்றும் 12-ஆம் வகுப்பு மாணவர்களுக்கு பொதுத்தேர்வு நடைபெறவுள்ளதால் பெற்றோர்கள் மத்தியில் தேர்வு எழுத செல்லும் மாணவர்களுக்கு கொரோனா தொற்று பரவும் அபாயம் ஏற்படலாம் என கூறுகின்றனர்.

இந்நிலையில், டெல்லியில் 6 லட்சம் மாணவ-மாணவிகள் சிபிஎஸ்இ பொதுத் தேர்வு எழுத உள்ளனர். தேர்வு பணியில் ஒரு லட்சம் ஆசிரியர்கள் ஈடுபட உள்ளனர். கொரோனா அதிகரித்து வருவதால் மாணவ மாணவிகளின் ஆரோக்கியத்தைக் கருத்தில்கொண்டு சிபிஎஸ்சி பொதுத்தேர்வு ரத்து செய்ய வேண்டும் என டெல்லி முதல்வர் கெஜ்ரிவால் தெரிவித்துள்ளார்.