விடுதலை 2 படத்தின் ‘தினம் தினமும்’ பாடல் வெளியீடு.!

சென்னை: இயக்குனர் வெற்றிமாறன் இயக்கத்தில் விஜய் சேதுபதி மற்றும் சூரி நடிக்கும் “விடுதலை 2” படத்தின் பர்ஸ்ட் சிங்கிளான ‘தினம் தினமும்’ என்ற பாடல் வெளியானது. பின்னணி பாடகி அனன்யா பட் உடன் இணைந்து இளையராஜா பாடிய ‘ தினம் தினமும்’ பாடல் மிகவும் இனிமையாக இருக்கிறது.

இப்படத்தின் டப்பிங் பணிகள் சமீபத்தில் துவங்கியதாக தயாரிப்பாளர்கள் சமீபத்தில் அறிவித்தனர்.  இப்படம் டிசம்பர் 20ஆம் தேதி திரையரங்குகளில் வெளியாகிறது.

விடுதலை பாகம் 2-ல் சூரி மற்றும் விஜய் சேதுபதி தவிர, சேத்தன், பவானி ஸ்ரீ, கௌதம் வாசுதேவ் மேனன், ராஜீவ் மேனன், இளவரசு, பாலாஜி சக்திவேல், சரவணா சுப்பையா, மற்றும் மூணார் ரமேஷ் நடிக்கிறார்கள்.

இந்த இரண்டாம் பாகம் பெருமாள் வாத்தியார் (விஜய் சேதுபதி) கதாபாத்திரத்தை பற்றி விவரிக்கும் என்று எதிர்பார்க்கப்படுகிறது. இந்த படத்திற்கு இளையராஜா இசையமைக்க, ஆர் வேல்ராஜ் ஒளிப்பதிவு செய்துள்ளார், ஆர் ராமர் படத்தொகுப்பு செய்துள்ளார். ஆர்எஸ் இன்ஃபோடெயின்மென்ட் பேனர் மற்றும் வெற்றிமாறனின் கிராஸ் ரூட் பிலிம் கம்பெனியின் கீழ் எல்ரெட் குமார் தயாரித்துள்ளார்.