திரையரங்க உரிமையாளர்களுடன் சந்திப்பு: தயாரிப்பாளர்கள் சங்கம்!

தயாரிப்பாளர்கள் சங்கம் தமிழ்நாட்டில் உள்ள ஒவ்வொரு திரையரங்க உரிமையாளர்களையும் சந்தித்து திரைத்துறை பிரச்சனை  குறித்து விவாதிக்க உள்ளதாக  அறிவித்துள்ளது.

டிஜிட்டல் ஒளிபரப்பு நிறுவனங்களுடனான பேச்சு வார்த்தை தோல்வியில் முடிவடைந்தது கடந்த மார்ச் 1-ம் தேதியிலிருந்து, 1 மாதத்திற்கும் மேலாக புதிய படங்கள் எதனையும் வெளியிடாமல் தயாரிப்பாளர் சங்கத்தினர் வேலை நிறுத்த போராட்டத்தில் ஈடுபட்டு வருகின்றனர். இதுதொடர்பாக விநியோகஸ்தர்கள் மற்றும் திரையரங்க உரிமையாளர்களுடன் தயாரிப்பாளர்கள் நடத்திய பேச்சு வார்த்தை மீண்டும் தோல்வியில் முடிந்தது.

இதனால் தொடரும் போராட்டத்திற்கு விரைவில் முடிவு காணும் விதமாக, தமிழ்நாட்டில் உள்ள ஒவ்வொரு திரையரங்க உரிமையாளர்களையும், நாளை மாலை 5 மணிக்கு சென்னை தி.நகரில் உள்ள ஆந்திரா கிளப்பில்  சந்தித்து கலந்துரையாட உள்ளதாக தயாரிப்பாளர்கள் சங்கம் அறிவித்துள்ளது.