மகளிர் ஒருநாள் போட்டி: இந்தியா – வெஸ்ட் இண்டீஸ் அணிகள் இன்று மோதல்!

குஜராத்: இந்தியாவுக்கு சுற்றுப்பயணம் மேற்கொண்டுள்ள வெஸ்ட் இண்டீஸ் மகளிர் கிரிக்கெட் அணி 3 டி20 மற்றும் 3 ஒருநாள் போட்டிகள் கொண்ட தொடரில் விளையாடி வருகிறது.

இந்த தொடரில் ஹேலி மேத்யூஸ் தலைமையிலான மேற்கிந்தியத் தீவுகளுக்கு எதிரான 3 போட்டிகள் கொண்ட டி20 தொடரில் ஹர்மன்பிரீத் கவுர் தலைமையிலான இந்திய அணி 2-1 என்ற கணக்கில் தொடரை கைப்பற்றி முதல் வெற்றியை பதிவு செய்தது.

இதனை தொடர்ந்து, இவ்விரு அணிகளுக்கு இடையிலான 3 போட்டிகள் கொண்ட ஒருநாள் தொடர் இன்று (டிச.22) தொடங்குகிறது. குஜராத்தின் வதோதராவில் உள்ள கோடாம்பி கிரிக்கெட் மைதானத்தில் பிற்பகல் 1:30 மணி அளவில் போட்டி தொடங்குகிறது.

ஒருபக்கம், டி20 தொடரை இழந்த வெஸ்ட் இண்டீஸ் அணி ஒருநாள் தொடரை வெற்றியுடன் தொடங்கும் முனைப்புடன் களம் இறங்க, மறுபக்கம் வெற்றிப்பயணத்தை தொடர வேண்டும் என்கிற கணக்கில் இந்திய அணி போராடும். இதனால், இன்றைய ஆட்டத்தில் எந்த அணி வெல்லப்போகிறது என ரசிகர்கள் ஆவலுடன் எதிர்பார்த்து வருகின்றனர்.

இன்றயை போட்டியில் விளையாட எதிர்பார்க்கப்படும் வீரர்கள்

இந்திய மகளிர் அணி:

கேப்டன் ஹர்மன்ப்ரீத் கவுர் தலைமையிலான அணியில் ஸ்மிருதி மந்தனா, உமா செத்ரி, ஜெமிமா ரோட்ரிக்ஸ், ரிச்சா கோஷ்(வ), தீப்தி ஷர்மா, சைமா தாக்கூர், டிடாஸ் சாது, ரேணுகா தாக்கூர் சிங், பிரியா மிஸ்ரா, தனுஜா கன்வார், மின்னு மணி, தேஜல் ஹசாப்னிஸ் பிரதிகா ராவல், ஹர்லீன் தியோல் ஆகியோர் உள்ளனர்.

மேற்கிந்தியத் தீவுகள் மகளிர் அணி:

கேப்டன் ஹெய்லி மேத்யூஸ் தலைமையிலான அணியில், கியானா ஜோசப், ஷெமைன் கேம்பல்லே(டபிள்யூ), டியான்ட்ரா டோட்டின், சினெல்லே ஹென்றி, நெரிசா க்ராப்டன், ஆலியா அலீன், ஷபிகா கஜ்னபி, ஜைதா ஜேம்ஸ், அஃபி பிளெட்சர், கரிஷ்மா ராம்ஹரக், மன்ஷாதா வில்லியாரூம்ஸ், ரஷாதா வில்லியாரூம்ஸ் அஷ்மினி முனிசார், ஷாமிலியா கானல் ஆகியோர் உள்ளனர்.