சின்னசாமி ஸ்டேடியத்தில் சிக்ஸர் மழை! வார்னர், மார்ஷ் அதிரடியான சதங்கள்!

ஒருநாள் உலகக் கோப்பை தொடரின் இன்றைய 18-ஆவது லீக் போட்டியில் பேட் கம்மிங்ஸ் தலைமையிலான ஆஸ்திரேலிய அணியும், பாபர் அசாம் தலைமையிலான பாகிஸ்தான் அணிகள் மோதி வருகிறது. பெங்களூரு சின்னசாமி ஸ்டேடியத்தில் நடைபெறும் இப்போட்டியில் பாகிஸ்தான் அணி டாஸ் வென்று முதலில் பந்துவீச முடிவு பாபர் அசாம் முடிவு செய்தார். அதன்படி, ஆஸ்திரேலிய அணியின் தொடக்க வீரர்களான மிட்செல் மார்ஷ், டேவிட் வார்னர் ஆகியோர் களமிறங்கினர். ஆரம்பத்தில் இருந்தே இருவரும் அதிரடியான ஆட்டத்தை தொடங்கினர்.

தொடக்கத்தில் வார்னர் 13 ரன்னில் இருந்த போது அப்ரிடி பந்து வீச்சில் டாப் எட்ஜ் ஆனது. அந்த கேட்ச்சை ஷதாப் கானுக்கு பதிலாக களமிறங்கிய உஸ்மா மிர் அந்த வாய்ப்பை தவறவிட்டார். இதில் இருந்து இருவரும் பாகிஸ்தான் பவுலர்களின் பந்துவீச்சை விளாசி தள்ளினர். சின்னசாமி ஸ்டேடியத்தில் சிக்ஸர் மழை பொழிந்து வருகிறது.  இதனால் அதிரடியாக விளையாடி வந்த இருவரும் அடுத்தடுத்து சதத்தை அடித்து அசத்தினர்.

அதாவது, ஒருநாள் போட்டியை டி20 மேட்ச் போல் விளையாடிய இருவரும் அதிரடியாக சதங்களை அசத்தியுள்ளார்கள். சதம் அடித்தும் விடாமல் இருவரும் மாறி மாறி பாகிஸ்தான் பவுலர்களை சொம்சம் செய்தனர். இதில்  கேட்சிகளையும் தவறவிட்டால், பாகிஸ்தான் பவுலர்கள் என்ன செய்வது என்று தெரியாமல் திகைத்தனர். இறுதியாக, அதிரடியாக விளையாடி வந்த மிட்செல் மார்ஷ் 108 பந்துகளில் ( 10 பவுண்டரி, 9 சிக்ஸ்) 121 ரன்கள் எடுத்து, பாகிஸ்தான் நம்பிக்கை பவுலரான ஷஹீன் அப்ரிடி ஓவரில் விக்கெட்டை இழந்தார்.

இதனைத்தொடர்ந்து வந்த கிளென் மேக்ஸ்வெல் ஷஹீன் அப்ரிடி ஓவரிலேயே டக் அவுட் ஆனார். ஆனால், மறுபக்கம் வார்னர் அதிரடியாக விளையாடி வருகிறார். தற்போது வரை ஆஸ்திரேலிய அணி 35 ஓவர் முடிவில் 2 விக்கெட் இழப்பிற்கு 264 ரன்கள் எடுத்து விளையாடி வருகிறது. டேவிட் வார்னர் 128 ரன்கள் எடுத்து விளையாடி வருகிறார். மறுபக்கம் ஸ்மித் களமிறங்கியுள்ளார். தொடர்ந்து அதிரடியாக விளையாடினால் ஆஸ்திரேலிய அணி 400 ரன்கள் வரை எடுக்க வாய்ப்புள்ளதாக வர்ணனையாளர்கள் தெரிவித்துள்ளனர்.