RRvRCB : வெற்றிப் பாதைக்கு திரும்ப போவது யார்? RCB ஃபீல்டிங்.! RR பேட்டிங்!

ஜெய்ப்பூர் : இன்று (ஏப்ரல் 13) ஐபிஎல் 2025-ல் 28வது போட்டியில் ராஜஸ்தான் ராயல்ஸ் (RR) அணியும் , ராயல் சேலஞ்சர்ஸ் பெங்களூரு (RCB) அணியும் விளையாடுகின்றன. இந்த போட்டியானது ராஜஸ்தானில் உள்ள ஜெய்ப்பூர் கிரிக்கெட் மைதானத்தில் நடைபெற உள்ளது.

புள்ளி பட்டியலில் 5வது இடத்தில் உள்ள பெங்களூரு அணி இந்த ஐபிஎல் தொடரில் 5 போட்டிகளில் விளையாடி 3-ல் வெற்றியும் 2-ல் தோல்வியும் அடைந்துள்ளது. இறுதியாக ஏப்ரல் 10-ல் டெல்லி கேபிட்டல்ஸ் அணியுடன் தோல்வி அடைந்ததை அடுத்து இன்று ராஜஸ்தான் அணியுடன் நடைபெறும் இந்த போட்டியில் வெற்றி பெரும் முனைப்புடன் விளையாட உள்ளது.

அதேபோல புள்ளி பட்டியலில் 7வது இடத்தில் உள்ள ராஜஸ்தான் அணி 5 போட்டிகள் விளையாடி 3இல் தோல்வியும், 2-ல் வெற்றியும் பெற்றுள்ளது. இதனால் இன்றைய நாள் ஆட்டத்தில் இறுதியாக ஏப்ரல் 9-ல் குஜராத் அணியுடன் தோல்வி கண்டதை அடுத்து இந்த போட்டியில் வெற்றி பெரும் முனைப்புடன் விளையாட உள்ளது.

இரு அணிகளும் தோல்வியில் இருந்து திரும்பி வெற்றி பெற்று அடுத்த சுற்று வாய்ப்பை உறுதி செய்யும் முனைப்பில் விளையாட உள்ளதால் இன்றைய நாள் ஆட்டத்தில் பரபரப்புக்கு பஞ்சமில்லாமல் இருக்கும்.

இன்றைய போட்டியில் டாஸ் வென்ற பெங்களூரு அணி கேப்டன் ரஜத் படிதார் பந்துவீச்சை தேர்வு செய்தார். இதனை அடுத்து சஞ்சு சாம்சன் தலைமையிலான ராஜஸ்தான் அணி பேட்டிங் செய்ய உள்ளது.

ராஜஸ்தான் ராயல்ஸ் அணி :

சஞ்சு சாம்சன் தலைமையில், யஷஸ்வி ஜெய்ஸ்வால், நிதிஷ் ராணா, ரியான் பராக், துருவ் ஜூரல், ஷிம்ரோன் ஹெட்மியர், வனிந்து ஹசரங்கா, ஜோஃப்ரா ஆர்ச்சர், மகேஷ் தீக்ஷனா, சந்தீப் சர்மா, துஷார் தேஷ்பாண்டே ஆகியோர் விளையாட உள்ளனர்.

ராயல் சேலஞ்சர்ஸ் பெங்களூரு :

ரஜத் படிதார் தலைமையில், பிலிப் சால்ட், விராட் கோலி, லியாம் லிவிங்ஸ்டோன், ஜிதேஷ் சர்மா, டிம் டேவிட், க்ருனால் பாண்டியா, புவனேஷ்வர் குமார், ஜோஷ் ஹேசில்வுட், சுயாஷ் சர்மா, யாஷ் தயாள் ஆகியோர் விளையாட உள்ளனர்.