ஒரே ஓவரில் 6,6,6,6,4… மெய் சிலிர்க்க வைத்த பூரன்.! 600 சிக்ஸர்களுடன் புதிய சாதனை…

பூரன் 385 டி20 போட்டிகளில் விளையாடி 600 சிக்ஸர்களை அடித்து சாதனை படைத்துள்ளார். லக்னோ சூப்பர் ஜெயண்ட்ஸ் அணிக்காக இதுவரை 30 ஐபிஎல் போட்டிகளில் விளையாடி 65 சிக்ஸர்களை அடித்துள்ளார்.

by கெளதம்Posted on March 24, 2025

விசாகப்பட்டினம் : விசாகப்பட்டினத்தில் தற்போது நடைபெற்று வரும் போட்டியில் டாஸ் வென்ற டெல்லி கேபிடல்ஸ் அணியின் கேப்டன் அக்சர் படேல் பந்துவீச்சைத் தேர்வு செய்தார். முதலில் பேட்டிங் செய்த லக்னோ அணி, 210 ரன்களை இலக்காக நிர்ணயித்துள்ளது. அந்த அணியில் மார்ஷ்(72), பூரன்(75) ஆகியோர் அதிரடியாக விளையாடி டெல்லி அணியின் பந்துவீச்சை பறக்கவிட்டனர்.

தொடக்க ஆட்டக்காரர் மிட்செல் மார்ஷ்(36 பந்துகளில் 6 பவுண்டரிகள் மற்றும் 6 சிக்ஸர்களுடன் 72 அடித்து முகேஷ் குமாரால் ஆட்டமிழந்தார். இருப்பினும் அவருடன் சூப்பரான பார்ட்னர் ஷிப் போட்ட பூரன் ஆட்டமிழந்தாலும், டி20 போட்டிகளில் 600 அல்லது அதற்கு மேற்பட்ட சிக்ஸர்களை அடித்த உலகின் நான்காவது பேட்ஸ்மேன் ஆனார்.

ஐபிஎல் 2025 மெகா ஏலத்தில் ரூ.21 கோடிக்கு தக்கவைக்கப்பட்ட பூரன், 3வது வீரராக களமிறங்கி, வெறும் 30 பந்துகளில் 75 ரன்கள் எடுத்தபோது ஏழு அபார சிக்ஸர்கள் மற்றும் ஆறு பவுண்டரிகளை விளாசினார். குறிப்பாக, ட்ரிஸ்டன் ஸ்டப்ஸின் 13வது ஒவரில் (ஒரே ஓவரில்) 0 ,6 ,6, 6, 6 4, அடித்து அனைவரையும் அதிர்ச்சியில் ஆழ்த்தினார்.

பூரன் சாதனை

பூரன் 385 டி20 போட்டிகளில் விளையாடி 600 சிக்ஸர்களை அடித்து சாதனை படைத்துள்ளார். லக்னோ சூப்பர் ஜெயண்ட்ஸ் அணிக்காக இதுவரை 30 ஐபிஎல் போட்டிகளில் விளையாடி 65 சிக்ஸர்களை அடித்துள்ளார். இதன் மூலம், 2013 ஆம் ஆண்டு தனது டி20 அறிமுகமான பூரன், தனது 385வது போட்டியில் 600 சிக்ஸர்களை அடித்துள்ளார்.

இவருக்கு முன், டி20 போட்டிகளில் அதிக சிக்ஸர்கள் அடித்த வீரர் என்ற சாதனையை கெய்ல் வைத்திருக்கிறார். அவர் தனது 17 ஆண்டுகால டி20 வாழ்க்கையில், கெய்ல் 463 போட்டிகளில் விளையாடி 1056 சிக்ஸர்கள் அடித்துள்ளார். அவருக்கு அடுத்தபடியாக கீரோன் பொல்லார்ட் 695 போட்டிகளில் 908 சிக்ஸர்கள், ஆண்ட்ரே ரஸ்ஸல் 539 போட்டிகளில் 733 சிக்ஸர்கள் அடித்து 3வது இடத்தில் உள்ளார்.