‘தோனியும் அதை செய்து இருக்கிறார்… ரோஹித் அவரை விட 10 அடி முன்னே’ – மனம் திறந்த அஸ்வின்

Ashwin : இந்திய கிரிக்கெட் அணியின் சூழல் பந்து வீச்சாளரான ரவிச்சந்திரன் அஸ்வின், தற்போது அவரது யூடுப் சேனலில் வெளியிட்ட வீடியோ ஒன்றில் இந்திய அணியின் கேப்டனான ரோஹித் சர்மாவை புகழ்ந்து பேசி இருந்தார். இங்கிலாந்து அணியுடனான நடைபெற்ற 5 டெஸ்ட் போட்டி கொண்ட தொடரை இந்திய அணி 4-1 என்ற கணக்கில் தொடரை வென்றிருந்தது.

Read More :- IPL 2024 : ஐபிஎல் தொடரிலிருந்து விலகினார் ஆரி புரூக் ! டெல்லி அணி அதிருப்தி ..!

இந்த டெஸ்ட் தொடரில் 4-வது டெஸ்ட் போட்டியில் விளையாடி கொண்டிருக்கையில் அஸ்வின் தனது அம்மாவின் மருத்துவ தேவைக்காக ஒரு நாள் விளையாடாமல் இருந்தார். அந்த நிகழ்வை எடுத்து  கூறி ரோஹித் ஷர்மாவை அந்த வீடியோவில் புகழ்ந்து பேசி இருந்தார். அவர் கூறுகியில், ” எனது அம்மாவை பற்றிய செய்தி இரவு 9.30 மணிக்கு எனக்கு தெரிய வந்தது. அதே இடத்தில் நானும் கேப்டனாக இருந்தால் நானும் ஒரு வீரரை வீட்டுக்கு செல்ல அனுமதித்திருப்பேன்.

ஆனால், அவருடன் ஒருவரை அனுப்பி வைத்துருப்பேனா என்று எனக்கு தெரியாது. ஆனால் ரோஹித் சர்மா என்னுடன் ஒருவரை அனுப்பி வைத்ததுடன், எனது தாயாரின் நலம் குறித்தும் விசாரிப்பது என்று அவ்வளவு அக்கறையாக நடந்து கொண்டார். என்னால் அதை நினைத்து கூட பார்க்க முடியவில்லை.  இதனால் தான் அவர் ஒரு தலை சிறந்த கேப்டனாக திகழ்கிறார். நானும் நிறைய கேப்டன்களின் கீழே விளையாடி இருக்கிறேன் ஆனால் ரோஹித்திடம் என்னவோ இருக்கிறது.

Read More :- ICC : பும்ராவை பின்னுக்கு தள்ளி மீண்டும் முதலிடம் பிடித்த அஸ்வின் !

அவருடைய நல்ல மனசுக்கு தான் அவர் 5 ஐபிஎல் கோப்பையை தோனிக்கு நிகராக வென்று இருக்கிறார். இந்த நல்ல மனதுக்கு கடவுள் அவருக்கு நிறைய கொடுக்க வேண்டும். மேலும், ஒரு திறமையான வீரரை ஆதரித்து அவர்களை சிறப்பாக கொண்டு வருவதில் ரோஹித் மிகுந்த ஈடுபாடை அளிக்கிறார். தோனியும் இதை செய்திருக்கிறார், ஆனால் ரோஹித் அவரை தாண்டி ஒரு 10 அடி முன்னே எடுத்து வைக்கிறார். அவருக்காக களத்தில் உயிர் என்றாலும் கொடுக்கலாம்”, என்று அவரது யூடுப் சேனலில் வெளியிட்ட வீடியோவில் ரவிச்சந்திரன் அஸ்வின் கூறி இருக்கிறார்.