தவெக ஆர்ப்பாட்டம்: “இஸ்லாமியர்களுக்கு விஜய் உறுதுணையாக இருப்பார்” – ஆனந்த்.!
வக்பு திருத்த சட்ட மசோதாவை திரும்பப் பெற வலியுறுத்தி தமிழக வெற்றிக் கழக பொதுச்செயலாளர் ஆனந்த் தலைமையில் பனையூர் ஜங்ஷனில் ஆர்ப்பாட்டம் நடைபெற்று வருகிறது.

சென்னை : வக்ஃபு திருத்த சட்ட மசோதாவிற்கு எதிராக தமிழக வெற்றிக் கழகம் சார்பில், தமிழகம் முழுவதும் ஆர்ப்பாட்டம் நடைபெறும் என நேற்று தவெக தலைவர் விஜய் அறிவித்திருந்தார். அதன்படி, இன்று வக்பு சட்டத் திருத்த மசோதாவை திரும்பப் பெற வேண்டும் என்பதை வலியுறுத்தி தமிழக வெற்றிக் கழகத்தின் சார்பில் தமிழகம் முழுவதும் போராட்டம் நடைபெற்று வருகிறது.
சென்னையில் மட்டும் 6 இடங்களில் போராட்டம் நடைபெறுகிறது ஏராளமான பெண்களும், ஆண்களும் ஆர்பாட்டம் நடத்தி வருகின்றனர். கோவையிலும் தவெகவினர் தொடர் மறியல் போராட்டத்தை நடத்தி வருகிறார்கள். அந்த வகையில், வக்பு திருத்த சட்ட மசோதாவை திரும்பப் பெற வலியுறுத்தி தமிழக வெற்றிக் கழக பொதுச்செயலாளர் ஆனந்த் தலைமையில் பனையூர் ஜங்ஷனில் ஆர்ப்பாட்டம் நடைபெற்று கொண்டிருக்கிறது.
இதில் கட்சியின் பொதுச்செயலாளர் என் ஆனந்த் கலந்து கொண்டார். சென்னையில் நடைபெற்ற ஆர்ப்பாட்டத்திற்கு பிறகு, செய்தியாளர்களை சந்தித்து பேசிய தவெக பொதுச்செயலாளர் ஆனந்த், ”இஸ்லாமியர்களுக்கு எதிரான வக்ஃபு சட்டத்திருத்த மசோதாவை ஒன்றிய அரசு திரும்ப பெற வேண்டும்
உங்கள் வீட்டில் சொத்து எல்லாரும் வந்து எடுத்துக் கொள்ளலாமா? என்று கேள்வி எழுப்பியதோடு, இஸ்லாமியர்களுக்கு தமிழக வெற்றிக் கழகமும் தலைவர் விஜயும் உறுதுணையாக இருப்பர். இஸ்லாமிய மக்களுக்கு தமிழக வெற்றிக் கழகமும் நிற்கும்” என்று அதிரடியாக பேசியிருக்கிறார்.