நடிகர் கமல்ஹாசன் கேள்வி!ரஜினியுடன் கூட்டாக தேர்தலை சந்திப்பது தேவையா?

நடிகர் கமல்ஹாசன் கூறியது , நடிகர் ரஜினியுடன் கூட்டாக தேர்தலை சந்திப்பது தேவையா என்று  கேள்வி எழுப்பியுள்ளார்.

வார இதழில் தான் எழுதிவரும் கட்டுரைத் தொடரில், ரஜினியுடன் கூட்டு சேர்ந்து தேர்தலை சந்திப்பது குறித்த கேள்வி, இருவரையும் துரத்துவதாக கமல்ஹாசன் தெரிவித்துள்ளார்.

இந்தக் கேள்விக்கு காலம் பதில் சொல்லும் என்று ரஜினி கூறிய கருத்தை வழிமொழிவதாக தாம் ஏற்கனவே அறிவித்ததையும் நினைவுகூர்ந்துள்ளார்.

இருவரும் கட்சியை ஆரம்பிக்க வேண்டும் என்றும், இருவருடைய கொள்கைகளும் பொருந்துகிறதா என்பதை பார்க்க வேண்டும் என்றும் கமல் தெரிவித்துள்ளார். அதனால், இது இப்போது எடுக்கக் கூடிய முடிவல்ல என்றும், அது தேவையா என்பதை இருவருமே யோசிக்க வேண்டும் என்றும் கமல்ஹாசன் தெரிவித்துள்ளார்.

ரஜினியுடன், கமல் இணைந்து தேர்தலை சந்திக்க வேண்டும் என்று சிலர் கூறி வந்துள்ள நிலையில், தனது நிலைப்பாட்டை கமல் தற்போது தெரிவித்துள்ளார்.

மேலும் செய்திகளுக்கு தினச்சுவடுடன் இணைந்திருங்கள்.