கனமழை எதிரொலி : இந்தந்த மாவட்டங்களில் பள்ளி, கல்லூரிகளுக்கு விடுமுறை.!

சென்னை : தமிழகத்தில் வடகிழக்கு பருவமழை தொடங்கி ஆங்காங்கே பெய்து வருகிறது. அதேநேரம், வங்கக்கடலில் உருவான புதிய காற்றழுத்த தாழ்வு பகுதி காரணமாக சென்னை மற்றும் தமிழக கடற்கரையோர மாவட்டங்கள் , புதுச்சேரி , காரைக்கால் பகுதிகளில் வரும் 17ஆம் தேதி வரையில் கனமழை பெய்ய வாய்ப்பு இருப்பதாக வானிலை ஆய்வு மையம் கூறியிருந்தது.

இந்நிலையில், தற்போது மயிலாடுதுறை மாவட்டத்தில் பல்வேறு இடங்களில் கனமழை பெய்து வருவதன் காரணமாக அம்மாவட்டத்தில் உள்ள பள்ளி, கல்லூரிகளுக்கு இன்று (நவம்பர் 13) விடுமுறை அளிக்கப்படுவதாக மாவட்ட ஆட்சியர் ஏ.பி.மகாபாரதி அறிவித்துள்ளார்.

அதே போல, கடலூர் மாவட்டத்தில் பள்ளிகளுக்கு மட்டும் விடுமுறை அளித்து மாவட்ட ஆட்சியர் அறிவிப்பு வெளியிட்டுள்ளார். புதுச்சேரி மாநிலம் காரைக்கால் மாவட்டத்திலும் கனமழை பெய்து வருவதன் காரணமாக அங்கும் பள்ளி கல்லூரிகளுக்கு விடுமுறை அளிக்கப்படுவதாக அம்மாவட்ட நிர்வாகம் அறிவித்துள்ளது.