திமுகவினருக்கு என்ன கோபம்.? என்மீது கை வையுங்கள்.. அண்ணாமலை பேச்சு.!

கோவை: பாஜக மாநில தலைவர் அண்ணாமலை கோவை மக்களவை தொகுதியில் வேட்பாளராக களமிறங்கி திமுக வேட்பாளரிடம் தோல்வியை தழுவினார். இதனை அடுத்து சிலர் ஆடுகளை வெட்டி அதனை வீடியோ , புகைப்படங்களாக எடுத்து சமூக வலைதள பக்கத்தில் பதிவிட்டு வந்தனர்.

இன்று பிற்பகல் கோவை விமான நிலையத்தில் செய்தியாளர்களை சந்தித்த பாஜக மாநிலத் தலைவர் அண்ணாமலை பேசுகையில், வாயில்லா ஜீவன் உங்களை என்ன செய்தது.? என்மீது கோவம் என்றால் என்னை என்ன வேணும்னாலும் செஞ்சிக்கோங்க. நான் இங்கே கோவையில் தான் இருக்க போகிறேன். இங்கு தான் விவசாயம் செய்து வருகிறேன்.

திமுகவினருக்கு என் மீது என்ன கோவம் என்று தான் தெரியவில்லை. என் மீது கோவம் என்றால் என் மீது கை வையுங்கள். சிலர் ஆடுகளை வெட்டி சமூக வலைத்தளங்களில் பதிவிடுகிறார்கள். வாய் பேசமுடியாத ஆடுகளை ஒன்றும் செய்யவேண்டாம் என செய்தியாளர் சந்திப்பில் அண்ணாமலை கூறினார்.