அதிமுகவுக்கு ஒரே தலைமை தேவை!அதிகாரம் யாரிடம் இருக்கிறது? அதிமுக எம்எல்ஏ கேள்வி

பின்னர் அதிமுகவில் சிலர் பன்னீர்செல்வம் தலைமையில் தனி அணியாக பிரிந்து சென்றனர்.பன்னீர்செல்வம் அணி சொத்து குவிப்பு வழக்கில் சசிகலா சிறையில் அடைக்கப்பட்டதால் எடப்பாடி பழனிச்சாமி அணியுடன் இணைந்து கொண்டது.
பன்னீர்செல்வம் பிரிந்து சென்று எடப்பாடி பழனிச்சாமியுடன் ஒன்றாக இணைந்த பின் சசிகலா மற்றும் தினகரனை கட்சியை விட்டு நீக்கியது,கட்சியையும் சின்னத்தையும் பெற்று ஆட்சியை நடத்தி வருகிறது அதிமுக .அதில் அதிமுக ஒருங்கிணைப்பாளராக பன்னீர்செல்வமும்,இணை ஒருங்கிணைப்பாளராக எடப்பாடி பழனிச்சாமியும் இருந்து வருகின்றனர்.
நடந்து முடிந்த மக்களவை தேர்தலில் அதிமுக படு தோல்வி அடைந்தது.மக்களவை தேர்தலில் ஒரு இடத்தில் மட்டும் வெற்றிபெற்றது.மேலும் இடைத்தேர்தலில் 9 இடங்களில் மட்டும் வெற்றிபெற்றது.இதனால் அதிமுக தனது வாக்கு வங்கியை நாளுக்கு நாள் இழந்து வருவதாக குற்றச்சாட்டு எழுந்து வருகிறது.

இந்நிலையில் இன்று அதிமுக எம்எல்ஏ ராஜன் செல்லப்பா செய்தியாளர்களை சந்தித்தார்.அப்போது அவர் கூறுகையில்,அதிமுகவுக்கு ஒரே தலைமை தேவை. அதிமுகவில் அதிகாரம் யாரிடம் இருக்கிறது என்று தெரியவில்லை .ஜெயலலிதாவின் ஆளுமைத்திறன் தற்போது இல்லை. ஆளுமை மிக்க தலைமையை உருவாக்க வேண்டும் .ரவீந்திரநாத் மட்டுமே ஜெயலலிதா நினைவிடத்தில் அஞ்சலி செலுத்துகிறார் .ஆனால் வெற்றி பெற்ற 9 எம்எல்ஏக்கள் ஏன் ஜெயலலிதா நினைவிடம் செல்லவில்லை.தேனி எம்.பி. ரவீந்திரநாத் குமாருடன் 9 எம்எல்ஏக்கள் ஜெயலலிதா சமாதிக்கு செல்லாதது ஏன்? 9 எம்எல்ஏக்களை தடுத்து நிறுத்தியது யார்? என்றும் கேள்வி எழுப்பியுள்ளார்.இவரது இந்த பேச்சு அதிமுக வட்டாரத்தில் பெரும் சலசலப்பை ஏற்படுத்தியுள்ளது.