இந்தியா கூட்டணியின் குடியரசு துணைத் தலைவர் வேட்பாளர் யார்?

டெல்லி :இந்தியா கூட்டணி (INDIA Alliance) 2025 ஆம் ஆண்டு குடியரசு துணைத் தலைவர் தேர்தலுக்கான தனது வேட்பாளரை இன்று (ஆகஸ்ட் 19, 2025) அதிகாரப்பூர்வமாக அறிவிக்க வாய்ப்புள்ளதாக தகவல்கள் தெரிவிக்கின்றன. முன்னாள் குடியரசு துணைத் தலைவர் ஜக்தீப் தன்கர் உடல்நலக் காரணங்களை மேற்கோள் காட்டி கடந்த ஜூலை 21, 2025 அன்று தனது பதவியை ராஜினாமா செய்ததைத் தொடர்ந்து, இந்திய தேர்தல் ஆணையம் செப்டம்பர் 9, 2025 அன்று தேர்தல் நடத்தப்படும் என அறிவித்துள்ளது.

இந்தத் தேர்தலில் இந்தியா கூட்டணி ஒரு ஒருங்கிணைந்த, ‘அரசியல் சார்பற்ற’ வேட்பாளரை நிறுத்த முடிவு செய்துள்ளது, மேலும் இதற்காக முக்கியமான ஆலோசனைக் கூட்டம் இன்று நடைபெறுகிறது. இந்தியா கூட்டணியின் தலைவர்கள், காங்கிரஸ் தலைவர் மல்லிகார்ஜுன் கார்கேவின் தலைமையில், தில்லியில் இன்று மாலை ஒரு முக்கிய கூட்டத்தில் வேட்பாளர் தேர்வு குறித்து விவாதிக்க உள்ளனர். மூன்று பேர் கொண்ட பட்டியலில் இருந்து ஒரு வேட்பாளர் தேர்ந்தெடுக்கப்படலாம் என்று தகவல்கள் தெரிவிக்கின்றன.

மேலு, இதில் தமிழ்நாட்டைச் சேர்ந்த முன்னாள் விஞ்ஞானி மயில்சாமி அண்ணாதுரை, மகாராஷ்டிராவைச் சேர்ந்த ஒருவர் மற்றும் ஆந்திரப் பிரதேசம்-தெலங்கானாவைச் சேர்ந்த ஒருவர் ஆகியோரின் பெயர்கள் பரிசீலனையில் உள்ளன. மேலும், திராவிட முன்னேற்றக் கழகத்தின் (திமுக) மாநிலங்களவை உறுப்பினர் திருச்சி சிவாவை வேட்பாளராக நிறுத்துவது குறித்தும் விவாதங்கள் நடைபெறுவதாகக் கூறப்படுகிறது.

தேசிய ஜனநாயகக் கூட்டணி (NDA) ஏற்கனவே மகாராஷ்டிர ஆளுநர் சி.பி. ராதாகிருஷ்ணனை தங்கள் வேட்பாளராக அறிவித்துள்ளது. இந்தியா கூட்டணியின் வேட்பாளர் தேர்வு, NDA-வின் இந்த முடிவுக்கு எதிராக ஒரு வலுவான அரசியல் செய்தியை அனுப்புவதற்காக மேற்கொள்ளப்படுகிறது. NDA-வுக்கு மக்களவை மற்றும் மாநிலங்களவையில் மொத்தமாக 423 உறுப்பினர்களின் ஆதரவு இருப்பதால், இந்தியா கூட்டணியின் 313 உறுப்பினர்களுடன் ஒப்பிடுகையில் NDA வலுவான நிலையில் உள்ளது. இருப்பினும், இந்தியா கூட்டணி ஒரு பொதுவான வேட்பாளரை முன்னிறுத்தி, குறுக்கு வாக்கெடுப்பை ஊக்குவிக்கும் வகையில் ஒரு முக்கியமான முடிவை எடுக்க முயற்சிக்கிறது.

இந்தியா கூட்டணியின் இன்றைய கூட்டத்தில் எடுக்கப்படும் முடிவு, செப்டம்பர் 9 தேர்தலில் குடியரசு துணைத் தலைவர் பதவிக்கான போட்டியை வலுப்படுத்தும். ஆகஸ்ட் 21 ஆம் தேதி நாமநீட் பதிவு செய்ய கடைசி நாளாகும், மேலும் ஆகஸ்ட் 25 வரை வேட்புமனுக்களை திரும்பப் பெறலாம் என்பதும் குறிப்பிடத்தக்கது.