2-ம் டோஸ் செலுத்திக்கொண்ட மத்திய அமைச்சர் ஹர்ஷ்வர்தன்..!

கொரோனா தடுப்பூசியின் இரண்டாவது டோஸை மத்திய சுகாதார அமைச்சர் டாக்டர் ஹர்ஷ் வர்தன் எடுத்துக்கொண்டார்.

டெல்லியில் உள்ள ஹார்ட் அண்ட் லுங் இன்ஸ்டிடியூட்டில் மத்திய சுகாதார அமைச்ச ஹர்ஷ்வர்தன் இரண்டாவது டோஸ்ஸை எடுத்துக் கொண்டார். தடுப்பூசியின் இரண்டாவது டோஸை எடுத்துக் கொண்ட பிறகு பேசிய ஹர்ஷ்வர்தன்  “இன்று, நானும் என் மனைவியும் தடுப்பூசியின் இரண்டாவது டோஸை எடுத்துள்ளோம். மார்ச் 2 ஆம் தேதி முதல் டோஸ் எடுக்கப்பட்டதிலிருந்து, எங்கள் இருவருக்கும் இப்போது வரை எந்த பிரச்சனையும் இல்லை.

இரண்டு தடுப்பூசிகளும் நன்றாக உள்ளன என்று நான் முன்பு கூறியிருந்தேன்.  தடுப்பூசி மீது பரவும் வதந்திகள் குறித்து கவனம் செலுத்த வேண்டாம். சரியான தகவலை நம்புங்கள். இரண்டாவது டோஸ் எடுத்த 2 வாரங்களுக்குப் பிறகு, உடல் ஆன்டிபாடிகளை உருவாக்கத் தொடங்குகிறது. முதல் டோஸ் எடுத்த பிறகு அலட்சியமாக இருக்க வேண்டாம் என கூறினார்.