கேரளாவில் 15 பேருக்கு ஜிகா வைரஸ் பாதிப்பு..!

கேரளாவில் நேற்று ஒருவருக்கு ஜிகா வைரஸ் தொற்று ஏற்பட்டதால் மொத்த பாதிப்பு எண்ணிக்கை 15 ஆக அதிகரித்துள்ளது.

கேரளாவில் தற்போது ஜிகா வைரஸ் தொற்று பரவி வருகிறது. திருவனந்தபுரத்தில் நேற்று பாடசாலை பகுதியில் கர்ப்பிணி பெண் ஒருவருக்கு ஜிகா வைரஸ் தொற்று ஏற்பட்டது. இதனை அடுத்து மொத்த பாதிப்பு எண்ணிக்கை 14 ஆக உயர்ந்தது. இதனை தொடர்ந்து நந்தன் கோட்டை பகுதியில் உள்ள ஒருவருக்கு ஜிகா வைரஸ் தொற்று நேற்று உறுதி செய்யப்பட்டுள்ளது.

இது குறித்து அம்மாநில சுகாதாரத்துறை மந்திரி தெரிவித்துள்ளதாவது, கேரளாவில் நேற்று நந்தன் கோட்டை பகுதியில் 40 வயது உடைய ஒருவருக்கு ஜிகா வைரஸ் தொற்று ஏற்பட்டுள்ளது. இதனால் தற்போது ஜிகா வைரஸ் தொற்று எண்ணிக்கை 15 ஆக உயர்ந்துள்ளது. கேரளாவில் திருவனந்தபுரத்தில் அறிகுறிகளுடன் இருந்த 44 பேரில் இதுவரை 15 பேருக்கு ஜிகா தொற்று உறுதி செய்யப்பட்டுள்ளது, என தெரிவித்துள்ளார்.