பெங்களூரு காவல் நிலையத்திற்கு சீல் வைப்பு! காவல்துறை அதிகாரிக்கு கொரோனா தொற்று உறுதி!

காவல்துறை அதிகாரிக்கு கொரோனா தொற்று உறுதியானதையடுத்து, பெங்களூரு காவல் நிலையத்திற்கு சீல் வைப்பு.

இந்தியா முழுவதும் கொரோனா வைரஸ் தீவிரமாக பரவி வருகிற நிலையில், இதனை கட்டுப்படுத்த அரசு பல முன்னெச்சரிக்கை நடவடிக்கைகளை மேற்கொண்டு வருகிறது. இந்நிலையில், பெங்களூரின் மையப் பகுதியில் உள்ள ப்பன் பார்க் காவல் நிலையத்தில் பணியாற்றி வந்த, கான்ஸ்டபிள் ஒருவருக்கு கொரோனா பரிசோதனையில், பாசிட்டிவ் என சோதனை முடிவுகள் வெளியானது.

இந்நிலையில், இவருக்கு கொரோனா தொற்று உறுதியானதையடுத்து, காவல்நிலையத்திற்கு சீல் வைக்கப்பட்டுள்ளது. இவரது தலைமையில், 60 காவல்துறை அதிகாரிகள் மற்றும் பணியாளர்கள் பணிபுரிந்து வந்துள்ளனர். இதனையடுத்து, இவருக்கு கீழ் பணிபுரிந்த அதிகாரிகளுக்கு சுகாதாரத்துறை அதிகாரிகள் சோதனை மேற்கொண்டு தனிமைப்படுத்தும் முயற்சியில் ஈடுபட்டு வருகின்றனர்.