அசாமில் பிறந்த மெஸ்ஸி! பிறகு ட்வீட்டை அழித்த காங்கிரஸ் எம்.பி.!

காங்கிரஸ் எம்.பி அப்துல் காலிக், மெஸ்ஸி அசாமில் பிறந்ததாக ட்வீட் செய்து பிறகு அதனை அழித்துள்ளார்.

கால்பந்து உலகக்கோப்பையை வென்ற அர்ஜென்டினா அணிக்கு வாழ்த்து கூறி ட்வீட் செய்த காங்கிரஸ் காட்சியைச்சேர்ந்த அசாம் எம்.பி அப்துல் காலிக், அடிமனதிலிருந்து வாழ்த்துகள் தெரிவிக்கிறேன், மேலும் மெஸ்ஸிக்கும் அசாமிற்கும் உள்ள தொடர்புக்கு பெருமையடைகிறேன் என்று ட்வீட் செய்திருந்தார்.

அதற்கு ரசிகர் ஒருவர் அசாம் தொடர்பா? என கேட்டதற்கு அவர் ஆம்! மெஸ்ஸி, அசாமில் தான் பிறந்தார் என பதில் ட்வீட் அளித்திருந்தார். பிறகு நிலைமையை உணர்ந்த அப்துல் காலிக், தான் பதிவிட்ட ட்வீட்டை அழித்துவிட்டார். இதற்கு நெட்டிசன்கள் அவரை ட்ரோல் செய்யும் விதமாக பதில் ட்வீட் செய்து வருகின்றனர்.

ஆம் சார், அவர் என் வகுப்பில் படித்தவர் தான், என்றும் இன்னொரு பயனர் ஒருவர், மெஸ்ஸி நீங்கள் உலகக்கோப்பையை வென்றவுடன் உங்கள் மனைவியுடன் அசாமிற்கு வந்துவிட்டு செல்லுங்கள்! நீங்கள் பிறந்த இடத்தை மறந்து விடாதீர்கள் என்றும் ட்வீட் செய்துள்ளனர்.

மற்றொரு பயனர் மெஸ்ஸிக்கும் சச்சின் டெண்டுல்கருக்கு மும்பை தொடர்பு இருப்பதாகவும் அதனால் தான் இருவருக்கும் ஜெர்சிஎண் 10 வழங்கப்பட்டுள்ளது என ட்வீட் செய்திருந்தார்.