ஒவ்வொரு மாநில மொழியும் இந்தியாவின் அடையாளமே – பிரதமர் மோடி

மொழி அடிப்படையில் சர்ச்சையைக் கிளப்ப முயற்சி நடப்பதாக பிரதமர் மோடி குற்றச்சாட்டு.

பாஜக தேசிய நிர்வாகிகள் கூட்டத்தில் காணொளி வாயிலாக பேசிய பிரதமர் மோடி, இந்தியாவில் உள்ள ஒவ்வொரு மாநில மொழியும் இந்தியாவின் அடையாளம் தான். மாநில மொழிகள் முக்கியத்துவம் வாய்ந்தவை. கடந்த சில நாட்களாக மொழி அடிப்படையில் சர்ச்சையை கிளப்ப முயற்சி நடக்கிறது என்றும் இந்திய கலாச்சாரத்தின் பிரதிபலிப்பை பாஜக ஒவ்வொரு பிராந்திய மொழிகளிலும் காண்கிறது எனவும் கூறினார்.

புதிய கல்வி கொள்கையில் ஒவ்வொரு பிராந்திய மொழிக்கும் முக்கியத்துவம் அளித்துள்ளோம் என தெரிவித்துள்ளார். இந்தி திணிப்பு பற்றி சர்ச்சை நிலவி வரும் நிலையில், மாநில மொழிகள் முக்கியத்துவம் வாய்ந்தவை என கூறியுள்ளார். இதன்பின் பேசிய பிரதமர், இந்தியாவின் வளமான எதிர்காலக் குறியீட்டை எழுதத் துடிக்கும் ஒவ்வொரு இளைஞரையும் பாஜகவுடன் இணைக்க வேண்டும். குடும்ப அரசியலால் வஞ்சிக்கப்பட்ட இளைஞர்களின் நம்பிக்கையை பாஜகவால் மட்டுமே மீட்டெடுக்க முடியும் என்றும் குறிப்பிட்டார்.