பிரதமர் நரேந்திர மோடி-பிரான்ஸ் அதிபர் மேக்ரான் கங்கை ஆற்றில் படகுப்பயணம்!

பிரதமர் நரேந்திர மோடியுடன் இணைந்து  இந்தியா வந்துள்ள பிரான்ஸ் அதிபர் இம்மானுவேல் மேக்ரான் வாரணாசியில் கங்கை ஆற்றில் படகுப் பயணம் மேற்கொண்டார். 4 நாள் பயணமாக இந்தியா வந்துள்ள பிரான்ஸ் அதிபர் இம்மானுவேல் மேக்ரான், உத்தரப்பிரதேச மாநிலம் மிர்சாப்பூரில் பிரதமர் நரேந்திர மோடியுடன் இணைந்து 100 மெகாவாட் திறன்கொண்ட சூரியமின்னுற்பத்தி பூங்காவை திறந்து வைத்தார்.

இதனைத் தொடர்ந்து வாரணாசி திரும்பிய தலைவர்கள் இருவரும் அங்குள்ள தீன்தயாள் உபாத்யாய் கைவினைப் பூங்காவை பார்வையிட்டனர். இதனைத் தொடர்ந்து கங்கைக்கரையில் புகழ் பெற்ற ASSIGHAT பகுதியில் பிரதமர் நரேந்திர மோடி, பிரான்ஸ் அதிபர் இம்மானுவேல் மேக்ரான் ஆகியோர் மலர்களால் அலங்கரிக்கப்பட்ட படகில் பயணம் மேற்கொண்டனர். உத்தரப்பிரதேச முதலமைச்சர் யோகி ஆதித்யநாத்தும் படகுப் பயணத்தில் உடனிருந்தார்.

மேலும் செய்திகளுக்க் தினச்சுவடுடன் இணைந்திருங்கள்.