நாட்டுக்காக உயிரிழந்த ராணுவ வீரருக்கு அசோக சக்ரா விருது…!!

தீவிரவாத அமைப்பில் இருந்து நாட்டுக்காக வெளியேறி உயிரை விட்ட ராணுவ வீரர் நசீர் அகமது வானிக்கு  அசோக சக்ரா விருது வழங்கப்பட உள்ளது.

ராணுவத்தில் வீரதீர செயல் புரிந்தவர்களுக்கு ஆண்டுதோறும் தொடர்ந்து விருதுகள் வழங்கப்படுவது வழக்கம். இந்நிலையில் ராணுவத்தில் மிக உயரிய விருதான அசோக சக்ரா விருது ராணுவ வீரர் நசீர் அகமது வானிக்கு வலக்கணப்பட இருப்பதாக அறிவிக்கப்பட்டுள்ளது.

ஜம்மு காஷ்மீர் மாநிலம் குல்காமின் அஷ்முஜி பகுதியை சேர்ந்தவரான்  நசீர் அகமது வானி, தீவிரவாத அமைப்பை விட்டுவெளியேறி போலீசில் சரணடைந்தார். பின்னர் கடந்த 2004ஆம் ஆண்டில் தன்னை ராணுவத்தில் இணைத்துக் கொண்டு பணியாற்றினார் .

இந்நிலையில்  கடந்த ஆண்டு சோபியான் மாவட்டத்தில் தீவிரவாதிகளுடன் நடைபெற்ற தூப்பாக்கி சண்டையில் மரணம் அடைந்தார்.இதையடுத்து அவருக்கு இந்த ஆண்டின் அசோக சக்ரா விருது அறிவிக்கப்பட்டுள்ளது. ஏற்கனவே ராணுவ விருதுகள் அளிக்கப்பட்டுள்ளது என்பது குறிப்பிடத்தக்கது.