களைக்கட்டும் அம்பானி வீட்டு கல்யாணம்..! விருந்தினர்களாக அமெரிக்க ஊடக நட்சத்திரங்கள் ..!

அம்பானி வீட்டு கல்யாணம் : நடைபெற இருக்கும் அம்பானி வீட்டு கல்யாணத்திற்கு கிம் கர்தாஷியன் மற்றும் க்ளோ கர்தாஷியன் ஆகியோர் விருந்தினர்களாக வர  இருப்பதாக தெரியவந்துள்ளது.

வருகிற ஜூலை-12ம் தேதி (நாளை), ராதிகா மெர்ச்சண்ட் மற்றும் ஆனந்த் அம்பானி ஆகியோர் மும்பையின் பாந்த்ரா குர்லா சென்டரில் (பிகேசி) உள்ள ஜியோ வேர்ல்ட் சென்டரில் ஆடம்பரமான திருமணம் செய்ய உள்ளனர். இந்த திருமண கொண்டாட்டங்களில் விருந்தினர்களாக மிக முக்கிய அரசியல்வாதிகள், பிரபலங்கள், இசை கலைஞர்கள், உலகம் முழுவதிலுமிருந்து வரும் பிற முக்கிய நபர்கள் என பிரமாண்டமாக நடைபெற உள்ளது.

தற்போது, இதில் ஒரு சுவாரஸ்யமான தகவல் ஒன்று பரவலாக பேசப்பட்டு வருகிறது. அது என்னவென்றால் விருந்தினர்களாக கிம் கர்தாஷியன் மற்றும் க்ளோ கர்தாஷியன் ஆகியோர் கலந்து கொள்ள உள்ளதாக தெரியவந்துள்ளது. இவர்கள் இருவரும் உலகளவில் பிரபலமான கலைஞர்கள் அவர்கள். அமெரிக்கவின் ஊடகங்களின் ஸ்டாரும், சமூக ஆர்வாளருமான கிம் கர்தாஷினி கலந்து கொள்கிறார்.

அவருடன் அமெரிக்கா ஊடகத்துறையின் பிரபல நட்சத்திரமான மரியோ டெடிவனோவிக்க்கும் கலந்து கொள்ள உள்ளதாக தகவல் வெளிவந்துள்ளது. மேலும், அவர்களுடன் பல சமூக ஊடக செல்வாக்கு செலுத்துபவர்களும் அம்பானி வீட்டின் திருமணத்தில் கலந்து கொள்வார்கள் என்று தெரியவந்துள்ளது. வருகின்ற ஜூலை 12 முதல் ஜூலை-14 வரை நடைபெற உள்ள திருமணத்திற்கு பிரமாண்டமான வரவேற்புகள், ஏற்பாடுகள் தற்போது வரை நடைபெற்று கொண்டே வருகிறது.

மேலும், தினமும் இந்த அம்பானி வீட்டின் திருமணத்தை குறித்து பேசாதே ஆட்களே இருக்க முடியாது. கடந்த ஜூலை-5 ம் தேதி அன்று கூட உலகெங்கும் பரிட்சயமான பிரபல பாடகரான ஜஸ்டின் பீபர் அம்பானி வீட்டின் கல்யாண இசை விழாவில் பாடி அசத்தினார் என்பது குறிப்பிடத்தக்கது. அவருக்கு அந்த விழாவிற்க்காக ரூ.83 கோடி ரூபாய் சம்பளமாக வழங்கப்பட்டது என சில தகவல்களும் வெளியானது.