அரசு உணவு கிடங்கிலிருந்து கேரளாவுக்கு கடத்த முயன்ற 55 டன் அரிசி பறிமுதல்.! 5 பேர் கைது.!

அரசு உணவு கிடங்கிலிருந்து கேரளாவுக்கு கடத்தவிருந்த 55 டன் அரிசியை பறிமுதல் செய்யப்பட்டு 5 பேர் கைது செய்யப்பட்டனர்.

உடுப்பி மாவட்டம் குந்தாப்புரா தாலுகா கோட்டேஸ்வர் பகுதியில் அரசு சார்பில் மக்களுக்கு விநியோகிக்கப்படும் அரசி, பருப்பு உள்ளிட்ட உணவுப்பொருட்களை கொண்ட உணவு கிடங்கு ஒன்று உள்ளது. இங்கிருந்து தான் அனைத்து ரேஷன் கடைகளுக்கும் உணவுப் பொருட்கள் கொண்டு செல்லப்படும். அந்த வகையில் ஏழை எளிய மக்களுக்காக அரசு வழங்கியுள்ள 55 டன் அரிசியை சட்ட விரோதமாக கள்ள சந்தையில் விற்கப்படுவதாக மாவட்ட மத்திய குற்றப்பிரிவு போலீஸ் இன்ஸ்பெக்டர் மள்ஞ்சாப்பாவுக்கு ரகசிய தகவல் கிடைத்ததை அடுத்து உணவு கிடங்கிற்கு சென்று சோதனை மேற்கொண்டனர்.

அப்போது ஏராளமான அரசி மூட்டைகள் லாரியில் வைக்கப்பட்டிருந்ததை கண்ட போலீசார் அங்கிருந்த 5 பேரை பிடித்து விசாரணை மேற்கொண்டனர். அப்போது அவர்கள் உணவு கிடங்கில் மக்களுக்கு கொடுக்க வைக்கப்பட்டிருந்த 55 டன் ரேஷன் அரிசியை பாலிஷ் செய்து புதுப்பித்து லாரியில் கேரளாவுக்கு கடத்தி சென்று விற்க இருந்தது தெரிய வந்தது. அதனையடுத்து அவர்களிடமிருந்து 55 டன் அரிசி, ஒரு லாரி, 2 கார்கள் மற்றும் 3 லட்சம் ரூபாய் பறிமுதல் செய்யப்பட்டு அப்பகுதியை சேர்ந்த 5 பேரான இஸ்மாயில் பாரி, முஸ்தபா தவுபிக், உபேதுல்லா, முகமது மேல்ரா, நியாஸ் ஆகியோர் கைது செய்யப்பட்டனர்.மேலும் இந்த வழக்கில் சம்பந்தப்பட்டவர்களை கைது செய்வதற்கான விசாரணை நடந்து வருகிறது.