கொல்கத்தா விமான நிலையத்தில் 113 கோடி மதிப்புள்ள போதைப்பொருள் பறிமுதல்…!

போதைப் பொருட்கள் அனைத்தும் நாடு முழுவதும் தடை செய்யப்பட்டிருந்தாலும், பல பகுதிகளில் போதைப்பொருள் கடத்தல் தொடர்ந்து கொண்டு தான் இருக்கிறது.

இந்நிலையில் கொல்கத்தாவில் உள்ள நேதாஜி சுபாஷ் சந்திரபோஸ் சர்வதேச விமான நிலையத்தில் மூன்று வெளிநாட்டு பயணிகளிடம் இருந்து 113 கோடி மதிப்புள்ள ஹெராயின் எனும் போதை பொருள் பறிமுதல் செய்யப்பட்டுள்ளது.

அதிகாரிகளுக்கு ரகசியமாக கிடைத்த தகவலின் அடிப்படையில் டிஆர்ஐ அதிகாரிகள் 2 பேர் கென்யாவில் இருந்து வந்த ஆண், பெண் பயணி மற்றும் ஒரு மல்லாவி பெண் பயணியையும் விசாரித்துள்ளனர்.

அப்பொழுது அவர்களிடம் பரிசோதனை செய்ததில் 4 சூட்கேஸ்களில் மறைத்து வைக்கப்பட்டிருந்த 14 பாக்கெட் ஹெராயின் எனும் போதை பொருட்கள் பறிமுதல் செய்யப்பட்டுள்ளது.