குழந்தைகளுக்கே 2 வயது! இழுபறியாகும் நயன் – விக்கி திருமண டாக்குமெண்டரி! எப்போது ரிலீஸ்?

சென்னை : இயக்குநர் விக்னேஷ் சிவன், நயன்தாரா திருமணம் கடந்த 2022ல் நடைபெற்றது. இந்த திருமணத்தில் சூப்பர் ஸ்டார் ரஜினிகாந்த், ஷாருக்கான், விஜய் சேதுபதி ஆகியோர் கலந்து கொண்டனர்.

மேலும், இந்த திருமண விழாவை ஆவணப்படமாக எடுப்பதற்கு, முன்னணி OTT நிறுவனம் அதன்  உரிமையை பெற்றிருந்தது. அதுமட்டும் இல்லாமல், அப்போதே அவர்களது திருமண நிகழ்வை ஓடிடியில் வெளியிட மிகப்பெரிய தொகைக்கு விற்பனை செய்ததாக தகவல் வெளியானது.

இதற்கிடையில், வாடகைத் தாய் மூலம் இந்த தம்பதிக்கு இரட்டைக் குழந்தைகள் பிறந்தன. குழைந்தகளுக்கு தற்போது 2 வயது ஆகிவிட்டது. அடிக்கடி, இந்த ஜோடி தங்களது வெளிநாடு விடுமுறை மற்றும் உயிர் – உலகம் குழந்தைகள் புகைப்படங்களை சமூக வலைதளங்களில் பகிர்ந்து வருகின்றனர்.

இது நிலையில், கடந்த 2 வருடங்களாக இது குறித்து எந்த அறிவிப்பும் வெளியாகாத நிலையில், விரைவில் இந்த திருமண வீடியோவை வெளியிட உள்ளதாக நெட்ஃபிளிக்ஸ் தெரிவித்துள்ளது. அதன்படி, ‘Nayanthara: Beyond the fairy tale’ என்கிற பெயரில் ஒரு மணி நேரம் 21 நிமிடங்கள் ஓடக்கூடிய டாகுமெண்டரி படமாக வெளியாக உள்ளது.