தெறிக்கவிட்ட ‘GOAT’முதல் நாள் வசூல்! கேரளா தளபதி கோட்டனு சும்மாவா சொன்னாங்க!

கேரளா : விஜய்க்கு தமிழகத்தில் எந்த அளவுக்கு ரசிகர்கள் இருக்கிறார்களோ அதே அளவுக்கு, கேரளாவிலும் அவருக்கு ரசிகர்கள் உள்ளார்கள் என்பதை பற்றி சொல்லியே தெரியவேண்டாம். ஒரு தமிழ் நடிகருக்கு அதிகமாக கேரளாவில் ரசிகர்கள் இருக்கிறார்கள் என்றால் விஜய்க்கு மட்டும் தான். அது அவருடைய படங்கள் கேரளாவில் வெளியாகும்போது வசூல் ஆகும் வசூலை வைத்து தெரியும்.

உதரணமாக கேரளாவில் இதுவரை பல படங்கள் வெளியானாலும், முதல் நாளில் அங்கு அதிகம் வசூல் செய்த படம் என்றால் விஜய் நடிப்பில் வெளியான லியோ படம் தான். லியோ படம் வெளியான முதல் நாளில் மட்டும் கேரளாவில் 12 கோடி வரை வசூல் செய்திருந்தது. அதற்கு அடுத்தபடியாக தான் மலையாள திரைப்படங்கள் கூட அந்த சாதனை வரிசையில் இருக்கும்.

அந்த அளவுக்கு விஜய் படங்களுக்கு கேரளாவில் அமோக வரவேற்பு கிடைத்து வருகிறது. இந்த சூழலில், லியோ படத்தினை தொடர்ந்து GOAT படம் வெளியாகியுள்ள நிலையில், இந்த படம் கேரளாவில் எவ்வளவு வசூல் செய்யும் என்ற எதிர்பார்ப்பும் இருந்தது. படத்திற்கு தமிழகத்தில், 4 மணி காட்சிக்கு அனுமதி வழங்கப்படவில்லை அதே சமயம் கேரளாவில் வழங்கப்பட்டிருந்தது.

இதன் காரணமாக ரசிகர்கள் பலரும் கேரளாவுக்கு சென்று அங்கு இருந்த கேரளா ரசிகர்களுடனும் இணைந்து கோட் படத்தை கொண்டாடினார்கள். தற்போதும் கொண்டாடிக்கொண்டு இருக்கிறார்கள்.இதனையடுத்து, கேரளாவில் GOAT  படம் முதல் நாளில் வசூல் செய்த விவரம் பற்றிய தகவல் கிடைத்துள்ளது.

அதன்படி, GOAT படம் வெளியான முதல் நாளில் கேரளாவில் 5.80 கோடி வசூல் செய்துள்ளதாக தகவல்கள் வெளியாகியுள்ளது. லியோ படத்தை விட குறைவாக வசூல் செய்திருந்தாலும் GOAT படம் தான் கேரளாவில் முதல் நாளில் அதிகம் வசூல் செய்த 5-வது படம் என்ற சாதனையை படைத்துள்ளது.