விடாமுயற்சி vs வணங்கான்: “அஜித் சாருக்கு யாரும் போட்டி கிடையாது” – அருண் விஜய்!

சென்னை : நபாலா இயக்கத்தில் அருண் விஜய் நடித்துள்ள ‘வணங்கான்’ திரைப்படம் 2025 பொங்கலுக்கு வெளியாகவுள்ளதாகப் படக்குழு அறிவித்துள்ளது. மிகவும் எதிர்பார்க்கப்பட்ட இபடத்தின் வெளியீட்டு தேதியை தயாரிப்பாளர் சுரேஷ் காமாட்சி உறுதிப்படுத்தினார்.

நடிகர் அருண் விஜய்யின் பிறந்தநாளை ஓட்டி சிறப்பு போஸ்டர் வெளியிட்டு இந்த அறிவிப்பு வெளிவந்துள்ளது. சமீபத்தில் வெளியான இப்படத்தின் டீசர் மற்றும் ட்ரெயிலர் ரசிகர்கள் மத்தியில் நல்ல வரவேற்பை பெற்றன.

இந்நிலையில், பிறந்தநாளை முன்னிட்டு சென்னை ராயப்பேட்டை அரசு மருத்துவமனையில் ரசிகர்களுடன் ரத்த தானம் செய்த நடிகர் அருண் விஜய், பின்னர் செய்தியாளர்களை சந்தித்து பேசினார்.

அப்போது அவரிடம், பொங்கல் அன்று விடாமுயற்சி படத்துடன் வணங்கான் மோதுகிறதா? என கேள்வி எழுப்பப்பட்டது. அதற்கு பதில் அளித்த அருண் விஜய், “அஜித் சார் என்பவர் உச்சம், அவருக்கு யாரும் இங்கு போட்டி கிடையாது.

அவருடைய ரசிகர்களால் நானும் நேசிக்கபடுகிறேன் என்பது மிகவும் மகிழ்ச்சியாக இருக்கிறது. அஜித் சார் படமும் பொங்கலுக்கு வருகிறது அதே சமயத்தில் வணங்கான் படமும் வருகிறது. எங்களுக்கும் சிறு வழி கிடைக்கும் என்று நம்புகிறேன்” என்று கூறியுள்ளார்

அருண்விஜய் நெகிழ்ச்சி பதிவு

வணங்கான் படத்தை அருண்விஜய் தனது குடும்பத்திற்கு போட்டு காட்டி இருக்கிறார். இது குறித்து X தளத்தில், ‘நான் திரையுலகில் கால் பதித்த காலத்தில் இருந்து, உங்கள் படைப்புகளின் ரசிகன்.

ஒரு நடிகனாக “எனக்கும் இப்படி ஒரு வாய்ப்பு கிடைக்காதா” என ஏங்கியவனுக்கு தங்களின் இயக்கத்தில் பணியாற்ற ‘வணங்கான்’ படத்தின் மூலம் வாய்ப்பளித்தமைக்கு மனமார்ந்த நன்றிகள்’ என்றார்.