டி-20 ரேங்கிங்கில் மீண்டும் டாப் 10க்குள் நுழைந்த விராட் கோலி.!

ஐசிசி டி-20 பேட்ஸ்மேன்களுக்கான தரவரிசையில் விராட் கோலி, மீண்டும் டாப் 10க்குள் நுழைந்துள்ளார்.  

மெல்போர்னில் கடந்த அக்-23 அன்று பாகிஸ்தானுக்கு எதிரான சூப்பர்-12 ஆட்டத்தில் இந்தியா 4 விக்கெட் வித்தியாசத்தில் கடைசி நேரத்தில் த்ரில் வெற்றி பெற்றது. இந்த போட்டியில் விராட் கோலி மற்றும் ஹர்டிக் பாண்டியா ஆகியோரின் சிறப்பான ஆட்டத்தால் இந்தியா பாகிஸ்தானை வீழ்த்தியது. கோலி 53 பந்துகளில் 82 ரன்கள் குவித்திருந்தார்.

இந்த போட்டிக்கு பிறகு ஐசிசி வெளியிட்டுள்ள டி-20 தரவரிசைப்படி விராட் கோலி 5 இடங்கள் முன்னேறி 9ஆம் இடத்தில் இருக்கிறார். பாகிஸ்தானின் முஹம்மது ரிஸ்வான் தொடர்ந்து முதலிடம் வகிக்கிறார்.

நியூசிலாந்தின் டெவான் கான்வே 2 ஆவது இடத்திற்கு முன்னேறியுள்ளார். இந்தியாவின் சூரியகுமார் யாதவ், 3ஆவது இடத்திற்கு தள்ளப்பட்டுள்ளார். பாபர் அசாம் 4 ஆவது இடத்திலும், எய்டன் மார்க்ரம் 5 ஆவது இடத்திலும் இருக்கின்றனர்.