ஐசிசி, அறிவித்துள்ள டி-20 உலகக்கோப்பை தொடரின் அணியில் விராட் கோலி மற்றும் சூர்யகுமார் யாதவ்.!

ஐசிசி, அறிவித்துள்ள இந்த டி-20 உலகக்கோப்பை 2022 தொடரின் அணியில் இந்தியாவின் விராட் கோலி மற்றும் சூர்யகுமார் யாதவ் இடம்பெற்றுள்ளனர்.

ஆஸ்திரேலியாவில் நடந்து வந்த டி-20 உலகக்கோப்பை தொடரின் இறுதிப்போட்டி நேற்று மெல்போர்னில் பாகிஸ்தான் மற்றும் இங்கிலாந்து அணிகளுக்கிடையில் நடைபெற்றது. இந்த போட்டியில் இங்கிலாந்து அணி 5 விக்கெட் வித்தியாசத்தில் பாகிஸ்தான் அணியை வீழ்த்தி இரண்டாவது முறையாக டி-20 உலகக்கோப்பையை வென்றது.

இதனையடுத்து ஐசிசி, இந்த டி-20 உலகக்கோப்பை தொடரின் அதிகாரபூர்வ அணியை அறிவித்துள்ளது. இதில் கோப்பையை வென்ற இங்கிலாந்து அணியிலிருந்து 4 வீரர்களும், இந்தியா மற்றும் பாகிஸ்தான் அணியிலிருந்து 2வீரர்களும், இடம்பெற்றுள்ளனர்.

டி-20 உலகக்கோப்பை வென்ற இங்கிலாந்து அணியின் கேப்டன் ஜோஸ் பட்லர், ஐசிசியின் அணிக்கு கேப்டன் மற்றும் விக்கெட் கீப்பராக அறிவிக்கப்பட்டுள்ளார். மற்றும் ஜிம்பாப்வே அணியில் சிறப்பாக விளையாடிய சிக்கந்தர் ராசா வும் அணியில் இடம்பெற்றுள்ளார்.

ஐசிசி அறிவித்துள்ள அணி: அலெக்ஸ் ஹேல்ஸ்(இங்கிலாந்து), ஜோஸ் பட்லர்(இங்கிலாந்து), விராட் கோலி(இந்தியா), சூர்யகுமார் யாதவ்(இந்தியா), கிளென் பிலிப்ஸ்(நியூசிலாந்து), சிக்கந்தர் ராசா(ஜிம்பாப்வே), ஷதாப் கான்(பாகிஸ்தான்), சாம் கர்ரன்(இங்கிலாந்து), அன்ரிச் நோர்ட்ஜெ(தென்னாப்பிரிக்கா), மார்க் வுட்(இங்கிலாந்து), ஷாஹீன் ஷா அப்ரிடி(பாகிஸ்தான்), மற்றும் 12 ஆவது வீரராக ஹர்டிக் பாண்டியா(இந்தியா).