ஆஸ்திரேலியாவுக்கு எதிரான டி20 தொடர் இன்று தொடக்கம்..!

இந்தியா – ஆஸ்திரேலியா இடையிலான 5 போட்டிகள் கொண்ட டி20 தொடர் இன்று முதல் அடுத்த மாதம் 3-ம் தேதி வரை 5 நகரங்களில் நடைபெறுகிறது. இன்றைய  முதல் போட்டி விசாகப்பட்டினத்தில் நடைபெறுகிறது. இந்த போட்டி இந்திய நேரப்படி இரவு 7 மணிக்கு தொடங்குகிறது.

இந்த தொடரில் இந்திய அணிக்கு சூர்யகுமார் யாதவ் கேப்டனாகவும், ஆஸ்திரேலிய அணிக்கு மேத்யூ வேட் கேப்டனாகவும் நியமிக்கப்பட்டுள்ளனர். முதல் மூன்று போட்டிகளுக்கு ருதுராஜ் கெய்க்வாட் துணை கேப்டனாக நியமிக்கப்பட்டுள்ளார். ராய்பூர் மற்றும் பெங்களூருவில் நடைபெறும் கடைசி இரண்டு டி20 போட்டிகளுக்கு துணை கேப்டனாக ஸ்ரேயாஸ் ஐயர் அணியில் இணைவார் என தெரிவிக்கப்பட்டுள்ளது.

இந்த டி20 தொடரில் உலகக்கோப்பையில் விளையாடிய அனைத்து மூத்த வீரர்களுக்கும் ஓய்வு அளிக்கப்பட்டுள்ளது. ஆனால் ஆஸ்திரேலியா அணியில் உலக கோப்பையில் விளையாடிய 7 வீரர்கள் இந்த டி20 தொடரில் இடம் பெற்றுள்ளனர்.

ஆஸ்திரேலியா அணி:

டிராவிஸ் ஹெட், மேத்யூ ஷார்ட், ஸ்டீவன் ஸ்மித், ஜோஷ் இங்கிலிஸ், க்ளென் மேக்ஸ்வெல், மார்கஸ் ஸ்டோனிஸ், டிம் டேவிட், மேத்யூ வேட்(கேப்டன் /விக்கெட் கீப்பர்), சீன் அபோட், ஆடம் ஜாம்பா, நாதன் எல்லிஸ், ஜேசன் பெஹரன்டோர்ஃப், தன்வீர் சங்கா, கேன் ரிச்சர்ட்சன் ஆரோன் ஹார்டி ஆகியோர் இடம்பெறுள்ளனர்.

இந்திய அணி:

இஷான் கிஷன்(விக்கெட் கீப்பர்), யஷஸ்வி ஜெய்ஸ்வால், சூர்யகுமார் யாதவ்(கேப்டன்), திலக் வர்மா, சிவம் துபே, ரின்கு சிங், அக்சர் படேல், ரவி பிஷ்னோய், அர்ஷ்தீப் சிங், பிரசித் கிருஷ்ணா, முகேஷ் குமார், வாஷிங்டன் சுந்தர், அவேஷ் கான், ருதுராஜ் கெய்க்வாட் , ஜிதேஷ் சர்மா ஆகியோர் இடம்பெறுள்ளனர்.