INDvsWI: ரஹானே அதிரடி ..! டெஸ்ட் போட்டியில் 10-வது சதம் நிறைவு..!

இந்திய அணி மற்றும் வெஸ்ட் இண்டீஸ் அணி  இடையிலான முதல் டெஸ்ட் போட்டி ஆன்டிகுவாவில் நடைபெற்று வருகிறது. டாஸ் வென்ற வெஸ்ட் இண்டீஸ் அணி முதலில் பந்து வீச்சை தேர்வு செய்ய முதலில் களமிறங்கிய இந்திய அணி  தனது முதல் இன்னிங்ஸில் 297 ரன்கள் எடுத்திருந்தது.

முதல் இன்னிங்ஸில் அதிகபட்சமாக ரஹானே 81 ரன்கள் குவித்தார்.இதைத் தொடர்ந்து இரண்டாம் நாள் தனது முதல் இன்னிங்சை தொடங்கிய வெஸ்ட் இண்டீஸ் அணி ஆட்டம் கிரெய்க் பிராத்வைட் தொடக்கத்திலேயே 14 ரன்களுடன் வெளியேற இறுதியாக வெஸ்ட் இண்டீஸ் 222 ரன்கள் மட்டுமே எடுத்து அனைத்து விக்கெட்டையும் இழந்தது.

இந்நிலையில் 75 ரன்கள் முன்னிலையுடன் தனது இரண்டாவது இன்னிங்ஸை இந்திய அணி தொடங்கியது. தொடக்க வீரர்களாக மயங்க் அகர்வால் , கே.எல் ராகுல்  இருவரும் களமிறங்கினர். ஆட்டம் தொடக்கத்திலே மயங்க் அகர்வால் 16 ரன்னில் அவுட் ஆனார்.பின்னர் இறங்கிய புஜாரா , கே.எல் ராகுல்  நிதானமாக விளையாடி ரன்கள் சேர்ந்தனர்.

அணியின் எண்ணிக்கை 73 ஆக இருந்த போது கே.எல் ராகுல் 38 ரன்களுடன் வெளியேறினார். இதைத் தொடர்ந்து கேப்டன் கோலி, துணைக்கேப்டன் ரஹானே இருவரும் கைகோர்க்க சிறப்பாக விளையாடிய இருவருமே அரைசதம் விளாசினார்.

கேப்டன் கோலி 51 ரன்னில் வெளியேற பின்னர் முதல் இன்னிங்ஸை போல நிதானமாகவும் சிறப்பாகவும் விளையாடிய துணைக்கேப்டன் ரஹானே அணியின் எண்ணிக்கை 336 ரன்கள் இருக்கும் போது 102 ரன்கள் எடுத்து வெளியேறினார்.இதன் மூலம் டெஸ்ட் போட்டியில் ரஹானே தனது 10-வது சதத்தை நிறைவு செய்தார்.