மகாராஷ்டிரா :சாங்லி நகரில் நவம்பர் 23 அன்று நடைபெற வேண்டிய இந்திய மகளிர் கிரிக்கெட் அணியின் துணை கேப்டன் ஸ்ம்ருதி மந்தானாவுக்கும் இசை இயக்குநர் பலாஷ் முச்சலுக்கும் இடையிலான திருமணம் திடீரென தள்ளிவைக்கப்பட்டது. அதிகாரப்பூர்வ காரணம், ச்ம்ருதியின் தந்தை ஸ்ரீநிவாஸ் மந்தானாவுக்கு ஏற்பட்ட இதய பிரச்சினை காரணமாக அவர் மருத்துவமனையில் சேர்க்கப்பட்டதாகும்.ஆனால் இந்த தாமதத்தைத் தொடர்ந்து சமூக வலைதளங்களில் பரவிய யூகங்கள், சர்ச்சைகள் மற்றும் உறுதிப்படுத்தப்படாத வதந்திகள் சூழலை சூடாக்கின.
உதாரணமாக சொல்லவேண்டும் என்றால், பலாஷ் முச்சலின் மற்றொரு பெண்ணுடன் சம்பந்தம் என்று கூறப்படும் மேரி டி’கோஸ்டா என்பவருடன் தொடர்புடைய சாட்ஸ் ஸ்க்ரீன்ஷாட்கள் வைரலாகியது. இது திருமண தாமதத்திற்கு மேரி காரணம் என்ற யூகத்தை உருவாக்கியது.சமூக வலைதளங்களில் பரவிய ஸ்க்ரீன்ஷாட்களில், பலாஷ் முச்சலும் மேரி டி’கோஸ்டாவும் இடையே நடந்த சாட்ஸ், அவர் ச்ம்ருதியுடன் உள்ள உறவைப் பற்றி மறைத்து, சந்திப்பு கேட்டுக்கொள்வதாகக் காட்டப்பட்டது.
ரெடிட் மற்றும் இன்ஸ்டாகிராமில் இந்தப் பதிவுகள் பரவியதும், மேரி டி’கோஸ்டா திருமணத்தில் கோரியோகிராஃபராக இருந்ததாகவும், பலாஷ் அவருடன் ஏமாற்றம் செய்ததாகவும் வதந்திகள் பரவின. ஸ்ம்ருதி மந்தானா தனது இன்ஸ்டாகிராமில் திருமணம் தொடர்பாக வெளியிட்டிருந்த பதிவுகள் அனைத்தையும் நீக்கினார். பலாஷ் மும்பை மருத்துவமனையில் அனுமதிக்கப்பட்டதும் (அலட்சியம் மற்றும் அழுத்தம் காரணமாக) சர்ச்சையை மேலும் தீவிரப்படுத்தியது. ரசிகர்கள் இதை “மோசடி” என்று குற்றம் சாட்டினர்.
இந்த சூழலில், இன்ஸ்டாகிராமில் ஒரு நீண்ட நோட்டில் மேரி டி’கோஸ்டா தனது விளக்கத்தை அளித்துள்ளார் . “முதலில், சாட்ஸ் ஏப்ரல் 29 முதல் மே 30 வரை நடந்தது, அதாவது ஒரு மாதம் மட்டுமே. நான் அவரை ஒருபோதும் சந்திக்கவில்லை, எந்தவித உறவும் ஏற்படவில்லை. இப்போது ஏன் பேசுகிறேன் என்று கேட்கிறார்கள்? உண்மை என்னவென்றால், ஜூலை மாதமே நான் இதை வெளியிட்டேன், ஆனால் அப்போது அவர் யாரென்று யாருக்கும் தெரியவில்லை, எனவே அது கவனிக்கப்படவில்லை” என்று அவர் எழுதினார்.
மேரி, ரெடிட்டில் ஸ்க்ரீன்ஷாட்களைப் பதிவேற்றியவர் என்றும், அந்த அக்கவுண்ட் இப்போது டிஅக்டிவேட் செய்யப்பட்டதாகவும் கூறினார். “நான் கிரிக்கெட்டை விரும்புகிறேன், ஸ்ம்ருதி மந்தானாவைப் பாராட்டுகிறேன், அதனால் தான் மக்கள் தெரிந்துகொள்ள வேண்டும் என்று சாட்ஸை வெளியிட்டேன்” என்று அவர் சேர்த்தார்.மேலும், தனது அடையாளம் குறித்த குழப்பத்தை அகற்ற முயன்ற மேரி, “என்னைப் பற்றி நிறைய குழப்பம் உள்ளது. நான் அந்த கோரியோகிராஃபர் இல்லை, பலாஷ் ஏமாற்றம் செய்த பெண் இல்லை. விஷயங்கள் கலந்துவிட்டன, தவறான விஷயங்களை யாரும் வைத்துக்கொள்ள வேண்டாம்” என்று தெளிவுபடுத்தினார்.
மேலும், அவர் இன்ஸ்டாகிராம் ஸ்டோரீஸில் தனக்கு வந்த அச்சுறுத்தல்கள், இனவாத வார்த்தைகள் மற்றும் தனிப்பட்ட தாக்குதல்களின் ஸ்க்ரீன்ஷாட்களைப் பகிர்ந்து, “இந்த வெறுப்புக்கு எனக்கு வார்த்தைகள் இல்லை” என்று வேதனை தெரிவித்தார். சாட்ஸ் உண்மையானதா என்ற ஐ.ஏ. (சாட்ஜிபிடி) விசாரணையில் கூட, அது உறுதிப்படுத்தப்படாது என்றும், வைரல் நேரம் சந்தேகத்தை ஏற்படுத்துவதாகவும் கூறப்பட்டது.இந்த சம்பவம், தமிழ்-இந்தி சினிமா மற்றும் கிரிக்கெட் உலகில் பெரும் பரபரப்பை ஏற்படுத்தியுள்ளது.மேலும், இது குறித்து ஸ்ம்ருதி அதிகாரப்பூர்வ அறிவிப்பை வெளியிடவில்லை என்பது குறிப்பிடத்தக்கது.