டெல்லி : ஹீரோ மோட்டோகார்ப் (Hero MotoCorp) நிறுவனத்தின் கீழ் இயங்கும் 'விடா' (Vida) எலக்ட்ரிக் பிராண்ட், தனது விஎக்ஸ்2 எலக்ட்ரிக் ஸ்கூட்டர் வரிசையில் புதிய 'VX2 Go FB (Fixed Battery)' மாடலை அதிகாரப்பூர்வமாக அறிமுகப்படுத்தியுள்ளது. வழக்கமான ரிமூவபிள் (கழட்டி மாட்டக்கூடிய) பேட்டரி மாடல்களுக்கு மாற்றாக, நேரடிப் பிளக்-இன் சார்ஜிங் வசதியுடன் இந்த புதிய ஃபிக்சட் பேட்டரி வேரியன்ட் களமிறக்கப்பட்டுள்ளது.
விலை மற்றும் டெலிவரி விவரங்கள்
புதிதாக அறிமுகப்படுத்தப்பட்டுள்ள விடா VX2 கோ ஃபிக்சட் பேட்டரி (FB) வேரியண்டின் எக்ஸ்-ஷோரூம் விலை ரூ. 1.13 லட்சம் என நிர்ணயிக்கப்பட்டுள்ளது. இதன் டெலிவரி பணிகள் உடனடியாகத் தொடங்கப்பட்டுள்ளன.
மைலேஜ் விவரம்
பேட்டரி திறன் மற்றும் மைலேஜ் (Range): இந்த புதிய வேரியண்டில் 3.1 kWh ஃபிக்சட் பேட்டரி பேக் வழங்கப்பட்டுள்ளது. இது IDC சான்றிதழின்படி ஒருமுறை முழுமையாகச் சார்ஜ் செய்தால் 128 கி.மீ தூரம் வரை பயணிக்கக்கூடிய மைலேஜ் ரேஞ்சை வழங்கும். இது ஏற்கனவே உள்ள Go 2.2 (93 கி.மீ) மற்றும் Go 3.4 (146 கி.மீ) மாடல்களுக்கு இடைப்பட்ட இடைவெளியை நிரப்புகிறது.
செயல்திறன் மற்றும் சார்ஜிங் வசதி:
மோட்டார் மற்றும் வேகம்: மற்ற VX2 கோ மாடல்களைப் போலவே, இதிலும் 6 kW ஸ்விங்கார்ம்-மவுண்ட்டெட் எலக்ட்ரிக் மோட்டார் பொருத்தப்பட்டுள்ளது. இதன் மூலம் இப்பைக் அதிகபட்சமாக 70 கி.மீ/மணி வேகத்தில் செல்லும் திறன் கொண்டது.
சார்ஜிங் நேரம்: இந்த ஸ்கூட்டர் DC ஃபாஸ்ட் சார்ஜிங்கை ஆதரிக்கிறது. இதன் மூலம் பேட்டரியை 0 முதல் 80 சதவீதம் வரை வெறும் 65 நிமிடங்களில் விரைவாகச் சார்ஜ் செய்து கொள்ள முடியும். மேலும், வழக்கமான வீட்டு எலக்ட்ரிக் சாக்கெட்டுகள் மூலமாகவும் நேரடியாக சார்ஜ் செய்ய முடியும்.
முக்கிய அம்சங்கள் (Key Features):
டிஸ்ப்ளே மற்றும் கனெக்டிவிட்டி: டர்ன்-பை-டர்ன் நேவிகேஷன் மற்றும் பல்வேறு ஸ்மார்ட்போன் அலெர்ட்டுகளை வழங்கக்கூடிய 4.3 இன்ச் எல்சிடி (LCD) திரை கொடுக்கப்பட்டுள்ளது.
விடா எட்ஜ் செயலி (Vida Edge App): இதன் மூலம் ரிமோட் இ3 மொபிலைசேஷன், விபத்து அல்லது திருட்டு குறித்த உடனடி எச்சரிக்கைகள், உண்மையான நேரத் தரவு (Real-time analytics), சார்ஜிங் நிலையங்களைக் கண்டறிதல் மற்றும் சர்வீஸ் புக்கிங் போன்ற வசதிகளைப் பெறலாம்.
வசதிகள்: ரிவர்ஸ் பார்க்கிங் பயன்மோடு, 27.2 லிட்டர் கொள்ளளவு கொண்ட பெரிய அண்டர்-சீட் ஸ்டோரேஜ் மற்றும் முன்பக்க ஃபிரன்க் (Frunk) போன்ற வசதிகள் இடம்பெற்றுள்ளன. மேலும், Eco மற்றும் Ride ஆகிய ரைடிங் மோடுகளும் இதில் கொடுக்கப்பட்டுள்ளன.
விடா நிறுவனத்தின் ஸ்கூட்டர்கள் பொதுவாக ரிமூவபிள் பேட்டரி வசதிக்காகவே அதிகம் அறியப்படுகின்றன. குறிப்பாக, தங்களது வீடுகளில் அல்லது வாகனப் பார்க்கிங் இடங்களில் நேரடி சார்ஜிங் வசதி இல்லாத வாடிக்கையாளர்களைக் குறிவைத்து இந்த ரிமூவபிள் பேட்டரி மாடல்கள் தயாரிக்கப்பட்டன. இதன் மூலம் இந்நிறுவனம் மிகப்பெரிய வளர்ச்சியைப் பெற்றது.