வாஷிங்டன் :அமெரிக்கா, இந்தியாவுடனான பாதுகாப்பு உறவை மேலும் வலுப்படுத்தும் வகையில் ரூ.823 கோடி (USD 93 மில்லியன்) மதிப்புள்ள இரு முக்கிய ராணுவ ஆயுத ஒப்பந்தங்களுக்கு ஒப்புதல் அளித்துள்ளது. இது Defense Security Cooperation Agency (DSCA) மூலம் அமெரிக்க காங்கிரஸுக்கு அறிவிக்கப்பட்டுள்ளது. ஒப்பந்தத்தில் ஜாவலின் (Javelin) ஆன்டி-டேங்க மிசைல் அமைப்புகள் மற்றும் எக்ஸ்காலிபர் (Excalibur) அதிநவீன பீரங்கி குண்டுகள் அடங்கும்.
இந்த விற்பனை இந்திய ராணுவத்தின் தற்பாதுகாப்பு திறனை மேம்படுத்தி, பிராந்திய அச்சுறுத்தல்களை எதிர்கொள்ள உதவும் என அமெரிக்க வெளியுறவுத்துறை தெரிவித்துள்ளது.ஜாவலின் ஒப்பந்தம் USD 45.7 மில்லியன் மதிப்புடையது. இதில் 100 FGM-148 ஜாவலின் மிசைல்கள், 1 டெஸ்டிங் மிசைல், 25 லைட்வெயிட் கமாண்ட் லாஞ்ச் யூனிட்கள் (LwCLU அல்லது Block 1 CLU) அடங்கும். மேலும், பயிற்சி சிஸ்டம்கள், சிமுலேஷன் ரவுண்ட்கள், பேட்டரி கூலண்ட் யூனிட், டெக்னிக்கல் மேனுவல்கள், ஸ்பேர் பார்ட்ஸ், டிரெயினிங், ரிஃபர்பிஷ்மென்ட் சர்வீஸ்கள் போன்றவை உள்ளன.
ஜாவலின், RTX மற்றும் Lockheed Martin ஆல் தயாரிக்கப்படும் சோல்டர்-லாஞ்ச் ஆன்டி-டேங்க மிசைல், ‘ஃபயர்-ஆண்ட்-ஃபார்கெட்’ டெக்னாலஜியுடன் படகுகள், பங்கர்கள், அர்மர்ட் வெஹிகிள்களை அழிக்கும் திறன் கொண்டது. உக்ரைன் போரில் ரஷ்ய T-72, T-90 டேங்குகளை அழித்து பிரபலமானது.எக்ஸ்காலிபர் ஒப்பந்தம் USD 47.1 மில்லியன் மதிப்புடையது, இதில் 216 M982A1 எக்ஸ்காலிபர் GPS-கைடெட் ஆர்ட்டிலரி ரவுண்ட்கள் அடங்கும்.
இது ஹவிசர் போன்ற பெரிய பீரங்கிகளிலிருந்து ஷூட் செய்யப்படும் பிரெசிஷன் கைடெட் ஷெல், குறைந்த காலடரல் டேமேஜ் கொடுக்கும். RTX Corporation ஆல் தயாரிக்கப்படும் இது, இந்திய ராணுவத்தின் ஆர்ட்டிலரி யூனிட்களுக்கு அதிக துல்லியம் தரும். இந்தியா ஏற்கனவே இந்த அமைப்புகளை வரையறுக்கப்பட்ட அளவில் பயன்படுத்துகிறது. அமெரிக்கா, இந்தியா இந்த ஆயுதங்களை எளிதாக இணைக்கும் என்றும், பிராந்திய சமநிலையை மாற்றாது என்றும் தெரிவித்துள்ளது.இந்த ஒப்பந்தங்கள் இந்திய-அமெரிக்க பாதுகாப்பு கூட்டணியின் வலிமையை உறுதிப்படுத்துகின்றன என்பதும் குறிப்பிடத்தக்கது.