அம்பேத்கரின் லட்சியத்தைத் தொடர உறுதி பூணுவோம் – ம.நீ.ம.தலைவர் கமல்

அம்பேத்கரின் நினைவு தினத்தையொட்டி மக்கள் நீதி மய்யம் தலைவர் கமல்ஹாசன் ட்வீட்.

சட்ட மேதை அம்பேத்கரின் நினைவு தினம் இன்று நாடு முழுவதும் அனுசரிக்கப்படுகிறது. அம்பேத்கரின் நினைவு தினத்தையொட்டி முதலமைச்சர் ஸ்டாலின் உள்ளிட்ட பல்வேறு அரசியல் கட்சி தலைவர்கள் அவரது சிலைக்கு மாலை அணிவித்து மரியாதை செலுத்தி வருகின்றனர்.

அவ்வப்போது, அம்பேத்கர் குறித்து பதிவுகளையும் பதிவிட்டு வருகின்றனர். அந்தவகையில், அம்பேத்கரின் லட்சியத்தைத் தொடர உறுதி பூணுவோம் என மக்கள் நீதி மய்யம் தலைவர் கமல்ஹாசன் தனது ட்விட்டர் பக்கத்தில் பதிவிட்டுள்ளார்.

அதில், நிர்வாக ரீதியில் நிர்மாணிக்கப்பட்டதைவிடவும் புதிய இந்தியா சமூக நீதியில் கட்டமைக்கப்பட்டதே சிறப்பு. ஒடுக்கப்பட்டோருக்கும் உரிமையுடையதே இந்தியா என்னும் சிந்தனையை விதைத்த பெருந்தகைமையாளர் பாபாசாகேப் அம்பேத்கரின் நினைவு நாளில் அவரது லட்சியத்தைத் தொடர உறுதி பூணுவோம் என தெரிவித்துள்ளார்.