பாலியல் புகாரில் திருச்சி பிஷப் ஹீபர் கல்லூரி தமிழ்த்துறை தலைவர் கைது..!

பாலியல் தொல்லை காரணமாக திருச்சி பிஷப் ஹீபர் கல்லூரி தமிழ்த்துறை தலைவர் சந்திரமோகன் கைதாகியுள்ளார். 

திருச்சி பிஷப் ஹீபர் கல்லூரியில் தமிழ்த்துறை தலைவராக பால் சந்திரமோகன் பணியாற்றி வருகிறார். இவர் மீது 5 மாணவிகள் பாலியல் புகார் அளித்ததன் காரணமாக இவரை பணியிடை நீக்கம் செய்தனர். மேலும் இந்த பாலியல் குற்றசாட்டு விசாரணையை விசாரிக்க மாவட்ட ஆட்சியரின் நேர்முக உதவியாளர், சமூக நல அலுவலர் என்ற 7 பேர் கொண்ட குழு அமைப்பட்டது.

இதனால் தமிழ்துறைப் பேராசியார் மீது புகார் அளித்த 5 மாணவிகளிடமும் மாவட்ட ஆட்சியரின் உத்தரவின் பேரில், திருச்சி மாநகர காவல்துறையினர் விசாரணை நடத்தினர். அதில் மாணவிகளிடம் பேராசிரியர் சீண்டல்களில் ஈடுபட்டது தெரியவந்துள்ளது. இது உறுதியானதை அடுத்து பேராசிரியர் பால் சந்திரமோகன் மீது பாலியல் வன்கொடுமை மீதான 5 பிரிவுகளின் கீழ் வழக்குப்பதிவு செய்து ஸ்ரீரங்கம் மகளிர் காவல்துறை கைது செய்துள்ளனர்.